ЎзА мухбирининг ушбу саволига “Ўзсувтаъминот” АЖ ахборот хизмати бош мутахассиси Акмал Қодиров қуйидагича жавоб берди.
– Бугунги кунда Республикамиз аҳолисининг тоза сув билан таъминланганлик даражаси 74,4 фоизни ташкил қилади. Бу аҳолига тозаланган сув берилмоқда деганидир.
Аҳолига бераётган сувимиз ер ости ва ер устидан келади. Ҳар иккаласи ҳам тегишли тартибда тозаланиб, текширилиб, сўнг берилади. Ҳар бир сув объектида лабораторияларимиз мавжуд. Сув сифати бактериологик ҳамда химиявий тартибда текширилади. Сувнинг химиявий тартибда текширилиши сувнинг қаттиқлиги билан боғлиқ. Яъни ичадиган сувимизда оғир металлар бор ёки йўқлиги аниқланади. Давлат стандарти бўйича сувнинг қаттиқлиги 10 даража бўлса, ичишга яроқли ҳисобланади.
Бактериологик ҳолатда эса сувнинг таркиби ҳар соатда текширилиб турилади. Аҳолига бораётган сув ҳар хил ички касаллик келтириб чиқармаслиги учун текширилиб, қувурлардаги зарарли моддаларни ўлдириш учун хлор аралашмаси берилиб, тозаланиб, аҳолига етказиб берилади.
![](https://i.ytimg.com/vi/IJ1l3DK5Bws/maxresdefault.jpg)