Tagaktak ang pawis sa ilalim ng araw ng mga magsasakang maghapon pang magtatrabaho upang mabuhay ang pamilya kinabukasan. Bugbog sa pagod at nagtitiis sa gutom, maani lamang ang palay upang may makain ang bayan. Ngunit hindi lamang ito ang mga problemang kinakaharap ng ating mga magsasaka—gayong sa administrasyong ito—kasabay ng kulo ng tiyan ay ang pagdanak ng dugo.
Mahirap na kalaban ang gutom kung kasabay nito ang pangangailangang ilaban ang karapatang mabuhay sa bansang mas pinipili ang produktong angkat ng banyaga. Bili nga natin ay mura ngunit sa sulok ng ating bansa ay ang mga magsasakang kumakalam ang sikmura. Dahil sa Rice Tariffication Law, ang presyo ng kanin sa Jollibee ay triple ang halaga sa kung ano ang nakukuha nila sa pitong-piso-kada-kilong ani ng palay.
Ang kapalit ng pagod ay barya at pang-aapi mula sa pamahalaang pikit-mata ang pagpili ng ‘rebelde’ at ‘kriminal’. Laganap ang red-tagging sa mga magsasaka kahit na ang tanging bahid lamang ng pula ay ang dugo at pawis na binuhos nila—mantsa ng kanilang pagsisikap upang mapakain ang mga mamamayan. Sa gitna ng mga paratang, pagpatay, at paglapastangan, hindi makapagsalita ang mga magsasaka dahil sa mga panggigipit ng militar sa kanilang mga baranggay at tahanan. Sa bawat kilos nila ay may mga baril na nagbabadyang pumutok.
Nabubuhay na gutóm. Nabubuhay na takót.
Mangahas man na marinig ng bayan, ang kanilang mga hinaing ay bumabagsak lamang sa mga tengang sarado sa kanilang mga iyak at kalbaryo. Kung kaya’t walang ibang masasandigan kung hindi ang ating kolektibong pagkilos sa pamamagitan ng mulat at militanteng pakikibaka. Kasabay ng pagpula ng silangan ay ang hindi matitinag na pagkakaisa ng sambayanan.
MAKISUMARO SA MGA PARAOMA!
#ProjectPesante🌾
#DefendBicol
#MakisumaroSaMgaParaoma
#StopKillingFarmers
#StopTheKillings
Directed by: VJ Magpantay
Music and Lyrics by: Khryss Arañas
Assistant Director: Larry De Leon
Director of Photography: Jessie Jean Borazon
Camera Operators: James Lemuel Mallapre & Nics Morada
Production Manager: Princess Dessarey Cacho
Editor: Dave Castro
Production Designer: Aliah Peñarroyo
Arrangement and Mastering: Pordalab and Musika Publiko
Choreography: Ateneo Dance Club
Cast: Willy Lavapie and Larry de Leon
Dancers:
Ina Korina Papa
Aian Pormalejo
Joram Belmonte
Cyril Sarte
Russel Sumayao
![](https://i.ytimg.com/vi/IN35pE2IwR4/maxresdefault.jpg)