Խորհրդարանի՝ հոկտեմբերի 5-ի նիստի ընդմիջման ժամին ԱԺ «Ելք» խմբակցության ղեկավար Նիկոլ Փաշինյան իր ֆեյսբուքյան էջում գրում է. «Հենց նոր ԱԺ միջանցքում Ա. Գեղամյանը բռունցքներով հարձակվեց ինձ վրա։ Հաջողությամբ պաշտպանվեցի։ Մի երկու անգամ էլ կոշիկներս փայլեցրի իրենով։ Ներողություն եմ խնդրում հանրությունից, որ ստիպված եմ աշխատել այս պայմաններում»:
Արտաշես Գեղամյանը լրագրողների հետ զրույցում ասաց. «Եթե ես բռունցքներով հարձակվեի որևէ մեկի վրա, համոզված եղեք, իրեն հիվանդանոց կտանեին, որովհետև 3,5 տարի բռնցքամարտով եմ զբաղվել: Եթե միջադեպ լիներ, դիմացինս կհայտնվեր հիվանդանոցում»:
Մինչ այդ, խորհրդարանի նիստերի դահլիճում բանավեճ տեղի ունեցավ երկու պատգամավորների միջև: «Հայաստանի Հանրապետության և Ռուսաստանի Դաշնության միջև ռազմատեխնիկական համագործակցության զարգացման մասին» հարցի քննարկման ավարտին՝ մտքերի փոխանակման ժամանակ, ելույթում Նիկոլ Փաշինյանն անդրադարձավ ՀՀԿ խմբակցության անդամ Արտաշես Գեղամյանի ելույթին՝ ասելով. «Երեկվա քննարկումների արդյունքում ստեղ հայտարարություններ են հնչում, Արտաշես Գեղամյանը կոմունիստական կուսակցության և ազգային միաբանության կուսակցության անդամ, ասում ա` Արաքսը անցնենք, մտնենք Մուշ, Արդահան: Պարոն Գեղամյան, Դուք դրա հետ ի՞նչ գործ ունեք, Դուք խոսեք լենինիզմից, մարքսիզմի մասին, դուք էդ գաղափարների հետ ի՞նչ գործ ունեք»:
Գեղամյանին դուր չեկավ, որ Փաշինյանը տվեց իր անունը, և վիճաբանություն եղավ:
[ Ссылка ]
Ещё видео!