Դե իսկ խաղերի ու դրանց շուկայական գների մասին կարդացեք այ այստեղ։ Մեկ էլ կարող եք այցելել իմ Instagram hayk_mkrtch_yan
Brainy
8+ տարիք, 4 և ավել խաղացող
շուկայում վաճառքի միջին գինը 6900 դրամ
Brainy-ն խաղ է, որը սովորեցնում է անգլերեն 4000 բառ ու բառակապակցություն։ Խաղի ընթացքում զարգանում է մասնակցի անգլերենի իմացությունը՝A1 մակարդակից մինչև C2 մակարդակ։ Խաղը մշակվել է Օքսֆորդի ու Քեմբրիջի բառարանների հիման վրա։ Այն ներառում է 350 խաղաքարտեր, որոնցից յուրաքանչյուրը ունի հստակ թեմատիկա, օրինակ՝ դպրոց, և այդ թեմային վերաբերող 9 բառ։ Մասնակիցների խնդիրն է մեկ րոպե ընթացքում բացատրել բառերը իր թիմակիցներին հայերեն տարբերակով։ Երբ թիմակիցը կռահում է թե ինչ բառի մասին է խոսքը տալիս է դրա անգլերեն համարժեքը։ Բառերը ներքևում գրված են նաև դրանց տառադարձումները, որպեսզի մասնակիցները բառն անգամ չիմանալու դեպքում կարողանան ճիշտ ընթերցել այն։
Դե խաղա
12+ տարիք, 3 և ավել խաղացող
շուկայում վաճառքի միջին գինը 4400 դրամ
Դե խաղա խաղը իր մեջ ներառում է 200 խաղաքարտ։ Այն մշակվել է հումորի անսահման չափաբաժին ու հիշարժան պահեր պարգևելու համար։ Խաղի ներսում կան 4 տեսակի խաղաքարտեր, որոնցից յուրաքանչյուրը ենթադրում է որոշակի գործողություն կամ հարց։ Սա ծնողների մանկության անկեղծություն, թե համարձակություն խաղն է, լրամշակված, ավելի շատ հումոր, համարձակություն և իրար բացահայտելու հնարավորություններ ավելացրած։
Խաղը հաստատված է ՀՀ լեզվի տեսչության կողմից
Դե խաղա պստո
6+ տարիք, 3 և ավել խաղացող
շուկայում վաճառքի միջին գինը 5900 դրամ
Դե խաղա պստո-ն արդեն լայն տարածում գտած «Դե խաղա»-ի փոփոխված և ուսուցողական տարբերակն է, որն ուղղված է ընտանեկան առողջ, ուրախ մթնոլորտ ապահովելուն, արդյունավետ ծնողավարմանը, անհրաժեշտ հարցեր բարձրացնելուն, բարություն ու հավասարություն խրախուսելուն։ Խաղը մշակվել է հոգեբանների, մանկավարժների, լոգոպեդների, ծնողներ իու, դե իհարկե, պստոների կողմից։ Այն ներառում է 300 խաղաքարտ, որոնք դարձյալ բաժանվում են 4 խմբերի՝ հարց, առաջադրանք, գաղտնի գործողություն և մնջախաղ։ Այստեղ անսահման հումորը համատեղվում է ուսուցողական բաղադրիչի հետ։ Կարող են լինել այնպիսի հարցեր, ինչպիսին են՝ ինչ եմ արել և թաքցրել մեծերից, ինչը կփոխեի իմ դպրոցում, առօրյայում, ինչու՞ է երեխաների կարծիքը կարևոր, ի՞նչ պետք է անել մեքենան նստելուց անմիջապես հետո։ Խաղի առաջադրաններն ու հարցերը մշակված են այնպես, որ անգամ հնարավոր է խաղալ առանձին՝ միայն պստոներով կամ միայն մեծերով։
Սա առաջին հայալեզու ընտանեկան խաղն է։
Խաղը հաստատված է Կրթության ազգային ինստիտուտի կողմից։
Փոքրատառ
3+ տարիք,2 և ավել խաղացող
շուկայում վաճառքի միջին գինը 7900 դրամ
Փոքրատառ-ի հետ պստոները սովորում են հայոց այբուբենը՝ Ա-ից մինչև Ֆ, զանազանում պատկերները և դրանց անվանումները։Խաղը ներառում է 18 խորանարդ, 150 խաղաքարտ, ավազի ժամացույց, կանոնների գրքույկ և կպչուկներ։ Սա 5 խաղ է մեկում։ Առաջին տարբերակի դեպքում վերցնում ենք որևէ խաղաքարտ, շրջում ավազե ժամացույցը և մասնակիցներից յուրաքանչյուրը իր գույնի խորանարդով պետք է փորձի հավաքել պատկերի անվանումը։ Բացի այդ խաղը կարելի է կիրառել երեխայի բացատրական, հաղորդակման և լեզվամտածողության հմտությունները զարգացնելու։ Բաժանվել 2 թիմի, յուրքանաչյուրում առնվազն 2 մասնակից։ Վերցնել որևէ խաղաքարտ և պատկերը թիմակիցներին ներկայացնել բառերով, օրինակ ինչ են ուտում արջերը․․․ մեղր։ Եվ այդպես այնքան խաղաքարտ, որքան կկարողանան կռահել մեկ րոպե ընթացքում։ Մյուս 3 տարբերակները կիրառման առկա են խաղի ներսում։
Խաղը հաստատված է Կրթության ազգային ինստիտուտի կողմից։
3ույու4
8+ տարիք, 2 և ավել խաղացող
շուկայում վաճառքի միջին գինը 4900 դրամ
3 ույու 4 -ը մաթեմատիկական խաղ է, որն ունի բարդության 4 մակարդակ և խաղալու 5 տարբերակ։ Խաղը թվերի, հաշվարկների, լարված նյարդերի, հաղթելու մեծ ցանկության և միտքը մարզելու մասին է։ Այն իր մեխանիզմով նորություն է ամբողջ աշխարհում։ Որտե՞ղ է խաղի հետաքրքրությունը։ Յուրաքանչյուր մակարդակի 2 ցանկացած խաղաքարը ունեն մեկ ընդհանուր թիվ օրինակ 4, սակայն այդ թիվը ոչ թե գրված է, այլ տրված է մաթեմատիկական գործողության տեսքս, օրինակ 2x2 և 12-8։ Մասնակիցների խնդիրն է գտնել իրենց և կենտրոնում գտնվող խաղաքարտի թիվը, բացականչել այն և տանել իր դաշտ։ Ամենահեշտ մակարդում յուրաքանչյուր խաղաքարտի վրա առկա է 4 թիվ կամ թվային գործողություն, այնուհետև այն դառնում է 6-ը։ Այստեղ թվերն անգիր անելը անհնար է, քանի որ յուրաքանչյու խաղաքարտ ունի պատահական համընկնում։
Խաղը հաստատված է Կրթության ազգային ինստիտուտի կողմից։
