Нұр-Сұлтанда Орталық Азиядағы ең үлкен мешітте алғашқы жұма намазы оқылды. Аспалы шамының өзі 20 тонналық зәулім мешітті Қазақстанның бұрынғы Президенті Нұрсұлтан Назарбаев ашты.
Ашылу салтанатына Үкіметтің экс-басшысы Асқар Мәмин, Алматы облысының бұрынғы әкімі Амандық Баталов, ұзақ уақыт бойы түрлі облыстарды басқарған Бердібек Сапарбаев бой көрсетті. Форбс көшін бастап тұрған Владимир Ким, Нұр-Сұлтан әкімі Алтай Көлгінов пен Премьер-Министрдің орынбасары Ералы Тоғжанов та жаңа мешітке келді. Ал бас мүфтиді бүгін жамағат арасынан байқалмады. Себебін анықтап көрген едік, баспасөз қызметі бас имамның сырқаттанып ем қабылдап жатқандығын айтты. Жалпы, мешіттің алаңы - 10 гектар. Төрт мұнарасы бар. Мешіт ішінде 35 мың, сыртында 200 000 адамға дейін бір уақытта намаз оқуға мүмкіндік болады. Мешіттің жерасты қабатында 440 орындық банкет залы, 405 орындық жабық паркинг, ритуалдық қызмет көрсету орны орналасқан.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#мешіт #НұрСұлтан
