Қазақстан – тарихта бірінші болып ядролық қарудан бас тартып, сынақ полигонын жапқан мемлекет.
Жалпы ел аумағында, атмосфералық, жер үстілік және жер астылық – барлығы 500-дей сынақ өткізілген. Бұл қатерлі де қауіпті іске Елбасы нүкте қойды. Бұл туралы Президенттің «Тәуелсіздік дәуірі» атты туындысында кеңінен тарқатылған.
«...1991 жылдың екінші жартысында орталық билік мүлдем дәрменсіз жағдайда болды. Бұл жағдайда маған Қазақстан тағдырының жауапкершілігін өз мойныма алуға және бірнеше принципті стратегиялық шешімдер қабылдауға тура келді. Мен алдымен өз Жарлығыммен кеңестік әскери күш-қуаттың тірегі саналатын, әлемдегі аса ірі Семей ядролық сынақ полигонын жаптым. Егемен Қазақстанның тұңғыш мемлекеттік актісі бүкіл планетаға біздің еліміздің ядролық қатерден азат, бейбіт өмірге ұмтылысын паш етті...»
