గోంగూర పచ్చడి అలా నములుకోగా చప్పరింతైనది పులుపు కారం కలయిక రుచితో అన్నం. మధ్య మధ్యన నాలుకపై వాలుతూ వెంటనే పంటి చిక్కే పోపు గింజల స్పష్టతగా తెలవడం బావుంది.
అన్నపు శ్వేతవర్ణం వీడేలా పప్పుల పొడి ఆయి బాగా బువ్వకు పట్టించి తినగా ఎంతో హాయిగా అనిపించింది.
మామిడి కాయ పప్పు, ఊరగాయ,నెయ్యి అన్నానికి పట్టించి తిన్నప్పుడు లభించిన అనుభూతి ఉత్తమోత్తమము.ఈ వివరణ లో ముఖ్యంగా చెప్పాల్సిన విషయం ఇదే.
కందిపప్పు మెత్తగా ఉడికి సాంబార్ గుత్తంగా ఓ విధమైన పప్పులా ఉంది.కూరగాయలు అనేకం కలసి ఉన్నాయి.తక్కువ అన్నంలో ఎక్కువ సాంబార్కి చోటిచ్చాను.తింటున్న తరుణంలో పంటి కింద తృప్తిగా కూరగాయ ముక్కలు నలుగుతూ అందించు రసం సాంబార్ జోడై అన్నం ఆనవాళ్లు కనుమరుగై నోటి అంతటా నిండినది సంతృప్తి.మజ్జిగ బావున్నాయి.అన్నం తిన్న కాసేపటికి మరలా లోట తాగేను.గతేడాది వెళ్ళాము పాండిచ్చేరి.ఇక్కడ రుచులు చూపాలన్న ప్రణాళికతోపాటు ఓ ప్రమాదం నన్ను ఇటువైపుగా తీసుకొచ్చింది.ఇప్పటికే రెండు శస్త్రచికిత్సలవ్వగా చేతికైన గాయం కారణంగా మూడోది జరిగింది. ఆనక నాలుగు గోడల మధ్య విశ్రాంతి నైరాశ్యపు ఆలోచనలు నింపుతుండగా సాగింది పయనం పాండి తీరానికి.స్వాంతనను అలానే నాకు నేను స్పూర్తి పొందేలా చేసింది పాండి.ఇక్కడ చిత్రీకరణ జరిపిన అన్ని కార్యక్రమాలు మరెక్కడా జరపలేదు ఇప్పటి వరకు.పుదుచ్చేరిలో ప్రసిద్ధి చెందిన ఆహార శాలలు ఎక్కువ శాతం మాంసాహార వంటకాలు అందించేవే. కావున మితాహారం అర్ధాకలి. పది రోజున్నాం నాణ్యమైన ఆహారం ఉన్నా మన రుచి నేపధ్యానికి కాస్త దూరం.ముఖ్యంగా కారం తక్కువ.ఇలాంటి అనుభవం 2014లో ఢిల్లీ జరిగింది.ఆ తరుణంలో మన రుచులను అందించే ఆహారశాలలకోసం శోధన చేయగా ఆంధ్ర టిఫిన్స్ పేరిట ఉన్న ఈ ఆహార శాల కనిపించింది. అల్పాహారం మరియు భోజనం లభిస్తుంది ఇక్కడ నిర్వాహకులు రాము గారిది నెల్లూరు కాగా ఇక్కడ స్థిరపడి ఆహార శాలను నిర్వహణ చేస్తున్నారు.నెల్లూరు వారు ఎక్కడ ఆహార శాల ప్రారంభించిన తమకంటూ ఓ ప్రత్యేకతను తెచ్చుకుంటారు. అలానే రాము గారు కూడా ఈ నగరంలో ప్రసిద్ధులైనారు.
Sree Andhra Tiffins
[ Ссылка ]
