Live in Paris. Two songs chronicling the events of the spring and summer months of 1981 when police oppression resulted in social unrest in over fifty English towns (Keith Blakelock was brutally hacked in to pieces in an orgy of violent, frenzied, vengeful bloodletting in '85, not '81, but highlights the mood of that decade). This was to lead to further militarisation of the police force, as clearly intended.

Lyrics (phonetically, in Jamaican Creole/west Indian patois) -

Di Great Insohreckshan

It woz in April nineteen eighty-wan doun inna di ghetto af Brixtan
Dat di babylan dem cause such a frickshan an it bring about a great insohreckshan
An it spread all ovah di naeshan It woz a truly an histarical okayjan
It woz event af di year an I wish I ad been dere wen wi run riot all ovah Brixtan
Wen wi mash-up plenty police van wen wi mash-up di wicked wan plan
Wen wi mash-up di Swamp Eighty-wan
Fi wha?
Fi mek di rulah dem andahstan dat wi naw tek noh more a dem oppreshan
An wen mi ckeck out di ghetto grapevine fi fine out all I coulda fine evry rebel jussa revel in dem story
Dem a taak bout di powah an di glory dem a taak bout di burnin an di lootin
Dem a taak bout smashin an di grabbin dem a tell mi bout di vanquish an di victri
Dem seh: di babylan dem went too far
Soh wha?
Wi ad woz fi bun two kyar an wan an two innocent ge mar
But wha?
Noh soh it goh sometime inna war een star noh soh it goh sometime inna war
Dem seh: win bun dung di George wi coulda bin di lanlaad
Wi bun dung di George wi nevah bun di lanlaad wen wi run riot all ovah Brixtan
Wen wi mash-up plenty police van wen wi mash-up di wicked wan plan
Wen wi mash-up di Swamp Eighty-wan dem seh: wi commandeer kyar
An wi ghaddah aminishan wi buil wi barricade an di wicked ketch afraid wi sen out wi scout
Fi goh fine dem whereabout den wi faam-up wi passi an wi mek wi raid
Ow dem run gaan goh plancountah-hackshan But di plastic bullit an di waatah canon
Will bring a blam-blam will bring a blam-blam nevah mine Scarman will bring a blam-blam

---------------------------------------------------------------------------------------------------------------------------------------------------

Mekkin Histri

Now tell mi someting mistah govahment man tell mi someting
How lang yu really feel yu coulda keep wi andah heel
Wen di trute done reveal bout how yu grab an steal
Bout how yu mek yu crooked deal mek yu crooked deal?
Eh?
Well doun in Soutall where Peach did get fall di Asians dem faam-up a human wall
Gense di fashist an dem police sheil an dem show dat di Asians gat plenty zeal
It is noh mistri
Wi mekkin histri
It is noh mistri
Wi winnin victri

Now tell mi someting mistah police spokesman tell mi someting
How lang yu really tink wi woulda tek yu batn lick
Yu jackboot kick yu dutty bag a tricks
An yu racist pallyticks yu racist pallyticks?
Eh?

Well doun in Bristal dem ad noh pistal but dem chase di babylan away
Man yu shoulda si yu babylan ow dem really run away
Yu shoulda si yu babylan dem dig-up dat dey
Dig-up dat dey dig-up dat day
It is noh mistri
Wi mekkin histri
It is noh mistri
Wi winnin victri

Now tell mi someting mistah ritewing man tell mi someting
How lang yu really feel wi woulda grovel an squeal
Wen soh much murdah canceal wen wi woun cyaan heal
Wen wi feel di way wi feel feel di way wi feel?
Eh?

Well dere woz Toxteth an dere woz Moss Side an a lat a addah places whey di police ad to hide
Well dere woz Brixtan an dere woz Chapeltown an a lat a addah place dat woz burnt to di groun
It is noh mistri
Wi mekkin histri
It is noh mistri
Wi winnin victri

свернуть