Ուկրաինայի նախագահ Վլադիմիր Զելենսկին մեկնում է Ստամբուլ՝ բանակցելու Թուրքիայի նախագահ Ռեջեփ Էրդողանի հետ։ Այցը կատարվում է Էրդողանի հրավերով։ Սա Զելենսկու առաջին այցն է Թուրքիա պատերազմի սկզբից ի վեր։
Ըստ թուրքական աղբյուրների՝ բանակցություններում քննարկվելու են ռուս-ուկրաինական պատերազմը, հացահատիկի գործարքը, երկկողմ հարաբերությունները։ Կիևը և միջազգային հանրությունը ձգտում են երկարաձգել ուկրաինական նավահանգիստներից Սև ծովով հացահատիկի տեղափոխման գործարքի ժամկետը։ ՄԱԿ-ի և Թուրքիայի միջնորդությամբ Ռուսաստանի հետ ձեռք բերված պայմանավորվածությունն ավարտվում է հուլիսի 17-ին։ Մոսկվան ասել է, որ այն երկարաձգելու հիմքեր չի տեսնում։
Կրեմլն ուշադիր հետևելու է Զելենսկի-Էրդողան բանակցություններին, ասել է ՌԴ նախագահի մամուլի քարտուղար Դմիտրի Պեսկովը. - «Մեզ հետաքրքիր կլինի իմանալ՝ ինչի մասին է խոսք գնալու պարոն Էրդողանի և պարոն Զելենսկու հանդիպմանը։ Դա կարևոր է։ Գիտեք, որ պարոն Էրդողանը բազմիցս ջանքեր է գործադրել տարբեր խնդիրներ կարգավորել ուկրաինական հակամարտության համատեքստում, միջնորդական դեր է խաղացել, և այդ դերը մեծ գնահատական է ստացել մեր նախագահի կողմից։ Ինչ վերաբերում է Պուտին-Էրդողան առաջիկա շփումներին, մենք դա չենք բացառում տեսանելի ապագայում»։
Ազատություն TV-ին հետևեք նաև Ucom-ի 222, Rostelecom-ի 18 և TeamTV-ի 3-րդ ալիքներով
#ազատություն #լուրեր
🔶 Facebook – [ Ссылка ]
🔶 Youtube – [ Ссылка ]
🔶 Instagram – [ Ссылка ]
🔶 Twitter – [ Ссылка ]
🔶 Telegram – [ Ссылка ]
