QS tarapyndan taýýarlanylýan dünýäniň iň gowy uniwersitetleriniň sanawy.

#MunyBilmekGyzykly #1 #penjire

Dünýäniň iň gowy uniwersitetleri haýsylar bilýäňizmi? Muny bilmek gyzykly wideo programmamyzyň şu sanynda size dünýäniň iň gowy 10 uniwersitedini tanatmakçy.

10. 10-njy oruny Şwessariýanyň Federal Tehnologiýa Institudy eýeleýär.
1855-nji ýylda Şwessariýanyň Zurih şäherinde gurulan bu ýokary okuw jaýynda, 18 müň 178 talyp bilim alýar.

9. 9-njy oruny Amerikanyň Birleşen Ştatlarynyň Şikago Uniwersitedi eýeleýär.
1890-njy ýylda esaslandyrylan bu uniwersitetde 15 müň 365 talyp okaýar.

8. Sanawymyzyň 8-nji ornuny Beýik Britaniýanyň Imperial Kollej London atly ýokary okuw jaýy eýeleýär.
Bu uniwersitet 1907-nji ýylda gurulyp, 14 müň 700 talyby bardyr.

7. 7-nji oruny bolsa ýene Beýik Britaniýanyň Kollej London uniwersitedi eýeleýär.
1826-njy ýylda London şäherinde gurulan bu okuw jaýynda dünýäniň 150 döwletinden 38 müňden gowurak talyp bilim alýar.

6. 6-njy oruny dünýä meşhur Oxford Uniwersitedi eýeleýär.
Dünýäniň iň gadymy okuw jaýlarynyň biri bolan Oxfordyň haçan gurunaldygy barada anyk maglumat ýok. Emma 1096-njy ýyldan bäri bilim berilýändigi bilinýär.
Häzirki wagtda 21 müň 335 talyp bilim alýar. Şeýle-de Beýik Britaniýanyň 27 primier ministri we Amerikanyň Birleşen Ştatlarynyň 42-nji prezidenti Bill Klinton bu uniwersitediň uçurymydyr.

5. Sanawymyzyň 5-nji ornuny Kambridje Uniwersitedi eýeleýär.
Iňlisleriň bu okuw jaýy 1209-njy ýylda Oxford uniwersitedinden çykan professorlar tarapyndan gurulýar.
Uniwersitede 18 müň 448 talyp okaýar. Kambridjiň kitaphanasynda 15 müňden gowurak kitap bardyr.

4. 4-nji oruny Kaliforniýa Tehnologiýa institudy eýeleýär.
Amerikanyň Birleşen Ştatlarynyň Los Anjeles şäherinde ýerleşýän bu okuw jaýy 1891-nji ýylda gurulyp, 2 müň 100 talyby bardyr.

3. 3-nji oruny bolsa Harward Uniwersitedi eýeleýär.
1636-njy ýylyň 8-nji Sentýabrynda gurulan bu uniwersitet Amerikanyň Birleşen Ştatlarynyň iň gadymy uniwersitedidir. Jemi 21 müň 225 talyp bilim alýar.
Amerikanyň Birleşen Ştatlarynyň 44-nji Prezidenti Barak Obama Harward uniwersitediniň Hukuk fakultedinde bilim alypdyr.

2. Sanawymyzyň 2-nji ornuny Kaliforniýanyň San Fransisko şäherinde ýerleşýän Stanford uniwersitedi eýeleýär.
1891-nji ýylda gurulan bu okuw jaýynda 14 müň 890 talyp okaýar.
Cisco, Google, Yahoo we HP ýaly dünýäniň öňde baryjy tahnologiýa kompaniýalarynyň esaslandyryjylary bu uniwersitediň uçurymlarydyr.

1. Dünýäniň iň gowy uniwersitedi bolsa Amerikanyň Birleşen Ştatlarynyň Massaçuttes Tehnologiýa institudydyr.
Tehnologiýa we inžinerlik ugurlarynda has öňe saýlanýan bu okuw jaýy 1861-nji ýylda gurulandyr. Jemi 11 müň 301 talyby bardyr.


Wideo programmamyzyň bu sanynda QS tarapyndan taýýarlanýan dünýäniň iň gowy uniwersitetleriniň sanawyny size ýetirdik.

Wideomyzy halan bolsaňyz aşakdan like-a basmagy, we kanalymyzy yzyarlamagy ýatdan çykarmaň.

свернуть