Söz-Musiqi: Aydın Sani & Aqşin Fateh
Aranjman: Rövşən Muhəmməd
Gitara: Şahin Əlizadə
©️2018
DİQQƏT: DİGƏR KANALLARA TƏKRAR YÜKLƏNMISİ QƏTİ QADAĞANDIR..!
Aydin Sani Aqsin Fateh Son zeng
Bu gün elə bil ki, başqa haldayam
Bu gün mənə dəyməyin, üzülmüşəm
Bu on bir il, necə gəldi getdisə
Elə bil, dünən məktəbə gəlmişəm
Düşür yada, o şirin bəhanələr
Muəllimə, gündəliyim evdə qalıb
Dərsə girməmək, sonra daha nələr
Adam utanır indi yadına salır
Elə bir imkan olaydı əldə ki
Qaytaraydım geri məktəb illərin
Tutub əlimi, mənə yazmaq öyrədən
O Müəllimin öpəydim əllərin
İlk dərsə gedən günü ağlamışam
Anam gedib, gözüm ardınca baxıb
Gülürəm indi mən öz saflığıma
Elə bilmişəm məni tək buraxıb
O son zəng çaldı
Bizi bizdən ayırıb aldı
Beləcə xatirələr qaldı
Boş sinif otaqlarında
Uşaqlıq bitdi
O gözəl günlərimiz getdi
Son dəfə səs küyümüz itdi
Koridor bucaqlarında
Nə sevincdir, nə də qəm, anlamıram
Başqa bir hal verir, bu görüntülər
İstəyirdiksə bitə məktəb ili
İndi nə üçündü bəs, bu üzüntülər..?
Qorxuram ki, birdə biz görüşməyək
Məktəb yolu, ola həsrət küçəsi
Anladım, böyüklər niyə ağlayır
Bu imiş, uşaqlığın son gecəsi
Dərs adıynan ona zəng eyləmişəm
Həyəcandan o qədər tərləmişəm
Mən onun eşqi ilə, Mendeleyev
Cədvəlin bircə bir əzbərləmişəm
Parta yoldaşımdır, yoxdur xəbəri
On bir il verdim ürək, almaq üçün
Neçə gün, bulku pulun toplamışam
Ona bir dəstə çiçək almaq üçün
Uşaqlıq bitdi
O gözəl günlərimiz getdi
Son dəfə səs küyümüz itdi
Koridor bucaqlarında
O son zəng çaldı
Bizi bizdən ayırıb aldı
Beləcə xatirələr qaldı
Boş sinif otaqlarında
Ещё видео!