"Вы пра мяне яшчэ згадаеце..." — сказаў незадоўга да сваёй смерці Язэп Драздовіч. Беспрацоўны і бяздомны вандроўнік-мастак паміраў у чужой хаце ў поўным забыцці. Але ён меў рацыю — узгадалі. Пасля дзесяцігодзьдзяў нябыту... На жаль, бальшыня ягонае літаратурнае спадчыны і да сёння вядомая адно спецыялістам. Тым не менш сёння цікавасць да спадчыны Драздовіча расце. Да дня беларускага пісьменства 2012 года ў Глыбокім сярод васьмі слынных постацяў глыбоцкага краю яму ўсталяваны помнік. Сёння кожны школьнік ведае творы мастака.
