"51-ci zona" - ABŞ-ın dünyanın heç bir xəritəsində qeydə alınmayan məxfi hərbi bazası Bu hərbi zonaya hətta ABŞ prezidentləri də xüsusi icazə ilə girib-çıxa bilir.
Bir çox ufoloq və alimlərin fikrincə, burda naməlum uçan obyektlərin qalıqları və yadplanetlilərin bədənləri saxlanılır. Bundan başqa, sözügedən bazada yadplanetlilərin texnologiyalarından istifadə edilməklə supermüasir uçuş aparatlarının və silahların tədqiqi və sınağının aparıldığını iddia edənlər də var.
Nevada ştatındakı səhralıqda yeləşən bu hərbi baza ABŞ hökumətinin ən böyük sirridir.
51-ci zonaya (AREA-51) aparan yolda həmişə sakitlikdir. 100 kilometrdən çox məsafədə heç bir şəhərə, yaşayış məntəqəsinə yaxud hər hansı bir işarəyə rast gəlmir. Yalnız bazanın yaxınlığına çatanda çağırılmamış qonaqları bu əraziyə daxil olmaqdan çəkindirən nəhəng xəbərdarlıq lövhələrini müşahidə etmək olar. Bu bölgəyə gizli şəkildə daxil olmaq qeyri-mümkündür. Çünki zonanın ətrafında gizli kameralar, yaxınlaşan istiliyi təyin edən cihazlar, hərəkət detektorları quraşdırılıb. Gecələr ərazini heç bir tanınma nişanı olmayan qara rəngli vertolyotlar qoruyur. Ufoloqların fikrincə məxfi bazanın əsas binası 14 yeraltı mərtəbədən ibarətdir. Lakin yerin altındakı bu mərtəbələrdə hansı işlərin görüldüyünü ehtimal etmək çətin məsələdir. Yalnız şahid ifadələri əsasında müəyyən təxminlər edilir. Bütün ifadələri, təxminləri üst-üstə toplayanda isə belə bir ortaq nəticə ortaya çıxır. 51-ci zonada baş verənləri ciddi cəhdlə gizlətməkdə çox önəmli səbəblər var: görünür dünya bundan xəbər tutsa, ya ABŞ-ın imici korlanar, ya da bəşəriyyət məhv olar.
![](https://i.ytimg.com/vi/J4qPbsrIic4/maxresdefault.jpg)