Երեկ վարչապետ Փաշինյանը Ֆրանսիայում էր, տեղի ունեցավ հայ-ֆրանսիական համաժողով, որին մասնակցում էր նաև Ֆրանսիայի նախագահը: Դրան նախորդել էր երկու երկրների ղեկավարների երկկողմ հանդիպումը: Ինչպե՞ս եք մեկնաբանում վարչապետի այցը Ֆրանսիա:
Երկու հանգամանք կարող ենք շեշտել, - պատասխանելով Մեդիալաբի հարցին ասում է է ֆրանսահայ քաղաքագետ Կայծ Մինասյանը: Առաջին՝ Հայաստանը ծանր վիճակում է, և ցավոք, այսօր գլխավոր խաղացողը տարածաշրջանում Ադրբեջանն է: Ցավալի է, բայց այդ երկիրը ավելի մեծ կարևորություն ունի Եվրոպական միության համար, քան Հայաստանը: Դա պատերազմի հետևանքն է: Եվրամիությունում այսօր նախագահում է Ֆրանսիան, և Ֆրանսիան միշտ է ցանկացել հավասարակշռություն պահպանել Հայաստանի և Ադրբեջանի միջև: Նաև՝ չպետք է մոռանալ, որ Էմանուել Մակրոնն այժմ նախագահական ընտրությունների քարոզարշավում է՝ որպես առաջադրված թեկնածու: Նա, վստահաբար, փորձ է անում շահել ֆրանսահայ համայնքի վստահությունը, ստանալ նրանց քվեները:
Նյութի աղբյուր՝ 1in.am, medialab.am
#hayastan #putinpaterazm #ukraina
