Vendet e Ballkanit Perëndimor po shohin një bum në investimet në energjinë diellore, gjë që pritet të ndihmojë jo pak në zbutjen e një krize energjie që kishte kërcënuar edhe me rikthimin e vëmendjes nga qymyri.
Ministri i Ekonomisë i Maqedonisë së Veriut Kreshnik Bekteshi tha se investitorët kanë filluar të investojnë "me tërbim" në termocentrale diellore dhe se vendi i tij, i cili është një importues i energjisë, është bërë një qendër rajonale për burimet e rinovueshme të energjisë.
Që nga viti 2021 janë ndërtuar parqe diellore me kapacitet 139 megavat (MË), ndërsa deri në fund të vitit 2023 është planifikuar të prodhohen deri në 300 MË energji diellore, e cila është e mjaftueshme për të furnizuar me energji elektrike tetë qytete të Maqedonisë së Veriut.
Një tjetër vend i Ballkanit Perëndimor, që ka avancuar jo pak në ndërtimin e parqeve diellore, është edhe Bosnja, që është bërë I pari shtet në rajon, që po eksporton energji.
Në Bosnjë ndërtimi I parqeve foto-voltaike nisi që në 2012-ën dhe investimet kanë qenë të mëdha, ndërsa vende të tjera të Ballkanit Perëndimor po bëjnë gjithnjë e më shumë projekte investimi në atë fushë.
Një ndër to është edhe Shqipëria, që ka ndërtuar disa parqe të prodhimit të energjisë diellore, kryesisht në zonën e Fierit, ndërsa dy projekte të mëdha kanë nisur në Karavasta dhe Spitallë.
Klima mbetet padyshim favorizuese për vendet e Ballkanit Perëndimor, që shumë shpejt mund të shndërrohen në një burim të rëndësishëm energjie.
Megjithatë, rrjetet e transmetimit dhe të shpërndarjes nuk janë të përgatitura për të thithur furnizime të tilla të mëdha të energjisë diellore dhe duhet të zgjerohen në mënyrë që të mund të balancojnë energjinë që gjenerohet vetëm gjatë ditës.
Një tjetër problematikë është edhe kontrolli i dobët i kompanive që instalojnë panele diellore mes të kërkesës në rritje, pasi kjo ka sjellë jo pak defekte teknike dhe mund të shkaktojë dëme të mëdha në sistemin energjetik.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#TopChannel

свернуть