2024香港小姐競選丨逾百人參加首輪面試 樂易玲讚今年佳麗質素令人滿意
年度選美盛事《2024香港小姐競選》，喺6月17號舉行首輪面試，今年總共有400人報名，經過挑選後，當中有一半獲邀進行面試，獲通知嘅準佳麗一早就現身電視城。
雖然係首次會見傳媒，大多數靚女都展現自信同大方談吐，好似年紀輕輕、只得17歲嘅中美混血兒Aisha、22歲喺城大修讀中文系嘅劉沛妍、26歲任職空姐嘅Cindy Wong、從事模特兒星探23歲嘅何穎文。
眾多面試者中，亦有人有參選經驗，包括曾經參選過溫哥華華姐23歲嘅張安妮、曾獲溫哥華華姐第二名兼最上鏡小姐24歲嘅Tracy Chung。今年嚟面試嘅佳麗中，亦不乏碩士生，好似23歲喺港大修讀機械工程嘅Jenna、同樣讀港大現年24歲嘅黃艷、23歲修讀中大商科嘅李佳琦、仲有25歲分子生物學碩士Nicole等。
面試佳麗主要以清爽裝束為主，亦有佳麗以低胸裝示人，盡顯出眾身材，身高183CM、現年26歲嘅張月，不論身高定上圍都同樣曯目，而同年齡嘅丁雨綺仲唔介意公開40D嘅驕人身材。
眾佳麗當中亦包括唔少健康膚色嘅靚女，同運動型展露腹肌嘅美女，當然亦有唔少高佻model身形嘅女士啦！就好似23歲剛畢業嘅賴宇知、任職model兼舞蹈教師23歲嘅Kelly郭恩晴、身穿吊帶裙23歲嘅鋼琴老師Janice。
參與首輪面試緊張在所難免，有人就緊張到唔記得畀的士車費，亦有人搵親友一齊嚟壯膽，好似24歲嘅Kelly就同埋姐姐Jenny一齊嚟參加。
首日同過百位佳麗進行面試後，樂易玲就話對今年佳麗嘅質素好滿意，佢仲話好多藝人都有份做提名人，當中有叻哥陳百祥、三哥苗僑偉、亦有前港姐都有提名友人參加。講到今年年齡最細嘅參選佳麗，樂小姐就話係17歲，而最高學歷嘅暫時就係碩士。提到有啲佳麗有紋身，樂小姐話聽講有兩位，其中一位係貼嘅紋身，佢話都會問下點解對方會選擇貼紋身，而真紋身嘅就要睇下對方紋喺咩位，同埋紋身嘅內容係咩喇。
#2024香港小姐競選 #香港小姐 #首輪 #面試 #港姐 #電視城 #TVB #中美混血兒 #城大 #中文系 #運動型 #露腹肌 #清爽 #碩士 #港大 #華姐 #空姐 #星探 #模特兒 #陳百祥 #三哥 #苗僑偉 #樂易玲 #紋身 #舞蹈教師 #吊帶裙 #鋼琴老師 #分子生物學
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
[ Ссылка ]
登入myTV SUPER享受睇TVB自製節目7日包括娛樂新聞的免費點播
[ Ссылка ]
