#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.
2 receta nga Znj.Vjollca
Presh me llukanik
400 gr llukanik
1 kg presh
1 qepë
2 thelpinj hudhër
1 spec i kuq
2-3 lgj pure domate
Kripë dhe piper i zi
2 lgj majdanoz i grirë
Preshim presim në copa sipas preferencave. Ngrohim vajin dhe skuqim llukanikun sa të marrë pak ngjyrë e largojmë nga tigani dhe i lëmë mënjanë. Në po atë yndyrë kaurdisim qepën në kubikë të vegjël. Sa të zverdhet pak shtojmë hudhrat e grira, specin e kuq në fije ose kubikë dhe i kaurdisim për 2 minuta, shtojmë preshët dhe i kaurdisim pak. Vendosim kapakun sa të ulin kapakun. Shtojmë purenë e domatës, kripë e piper të zi, i trazojmë pak dhe shtojmë lëng mishi ose perimesh deri në nivelin e preshit. Ulim temperaturën në mesatare dhe shtojmë në tenxhere dhe llukanikun e skuqurdhe i lëmë preshët të ziejnë ngadalë për 25-30 minuta. Në fund shtojmë majdanozin. Kjo pjatë mund të shoqërohet me pak pure patate në bazë e mbi pure preshët me llukanik.
Tiramisu në gotë
4 të verdha veze
100 gr sheqer
500 gr maskarpone
4 të bardha veze
Nescafe
12 biskota savoiardi
Kakao ose çokollatë fondente të grirë
4 vezë i ndajmë të bardhat veç e të verdhat veç. Në tasin me të verdhat e vezëve shtojmë 50 gr sheqer dhe i përziejmë s bashku me rrahëse vezësh deri sa të verdhat të zbardhen dhe sheqeri të ketë shkrirë. Shtojmë tek të verdhat pak e nga pak maskarponen duke e përzierë vazhdimisht. Në tasin e të bardhave të vezëve fillojmë rrahjen e tyre dhe rrahësen e vezëve duke shtuar pak nga pak sheqerin (50 gr) deri sa të bardhat të fryhen dhe të na bëhet një marengë e lidhur mirë. Shtojmë marengën lugë lugë tek tasi me maskarpone duke e përzierë deri sa të na formohet një masë homogjene. Përgatisim kafen në ujë dhe pak sheqer (150 ml). Biskotat mund ti lëmë ashtu si janë por edhe mund ti grijmë për ti dhënë një dekor më të bukur gotës me tiramisu.
Vendosim kremin e tiramisusë në një xhep pastiçerie. Shtojmë në gotë fillimisht krem. Hedhim mbi të biskotat e thërrmuara të cilat i lagim me kafe. Mbulojmë me krem dhe përsëri biskota, kafe e në fund krem. Shtresat i bëjmë sipas dëshirës dhe në varësi të madhësisë së gotës. Në fund spërkatim sipërfaqen e gotës me kakao ose me çokollatë të zezë fondente të grirë.
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ] #Receta#ZonjaVjollca#KaterinaTrungu
![](https://s2.save4k.ru/pic/JH24AbgzzqQ/maxresdefault.jpg)