يا جدي ضل بالعمران جدي ... ت نبني بلادنا بجَدك وجدي
ابيضّو شوارب سنينك يا جدي .. وبعدك بالغزل شيخ الشباب
يا جدي ... ياجدي
شروال جدك يا جدي ...مرقّع لكن بيهدي
وبعدو معلق من إيام .. جدو لجدك يا جدي
وهاك الود الفوق الليوك ...مع غمر القمح الممروك
والجفت المنو مدكوك ... والخرج وكل العدة
يا جدي هاك الكفكير ... قد المعجن كان كبير
ياريتك ما شلحت النير ... ولا تركت السكة تصدي
يا محلا هاك الساعور ...الكان يرعى حد التنور
ويا محل الحقلة والبور ... والصخر البدو مهدّة
لو تذكر ابن الكلاس ... ال بيّض كل بيوت الناس
هاك الغلة كياس كياس ... الكل الضيعة بتقدي
والكدنة والكانونة ... والطبلية والمونة
وعجقة هاك الطاحونة ... والقوالة والردة
والصاج البعدو مطبوب ... وبرنيطة خيك محبوب
والتكتوكة الكلا حبوب ... وكرسي وفرشة ومخدة
بالدلبة علقت دويك ... كل ما سلم مرة عليك
ساعة تكتع راسك هيك .. ساعة ترد بتحدي
بعدك يا جدي بتفيق .. عالجرة المن دون بريق
كانت هيي تبل الريق .. وتحت المزراب تندّي
شفنا دراب القريشة .. والقبوعة بلا ريشة
والجوزة الحد الهيشة ... ماعادت جوز تودي
العترة نزلت ع بيروت .. وهرت كل وراق التوت
وشباع حداث ولابيوت ... تسأل وينك يا جدي
![](https://i.ytimg.com/vi/JL80zN1Z4tg/mqdefault.jpg)