Шешенстанда жасалған шабуылдарды «Ирак және Левант лаңкестік ұйымы» мойнына алды.
Бұл туралы осы топпен байланысты (Amaq) «Амак» ақпарат агенттігі хабарлады. Алайда оған ешқандай дәлел келтірген жоқ. Ал Ресей тергеу комитетінің мәлімдеуінше, лаңкестік әрекеттер бір уақытта үш мекенде жасалған. Біріншісі Шали қаласында болды. Қылмыскерлер пышақпен аудандық полиция бөліміне кірмек болып, екі адамды жаралады. Бірақ тәртіп сақшылары лаңкестерді атып өлтірді. Екінші шабуыл Мескер-Юрт мекеніне кіреберістегі тексеру-бақылау бекетінде болды. Лаңкес осы нысанға жақындап келіп, сөмкесіндегі жарылғышты іске қосты. Бірақ ешкім жарақат алған жоқ. Содыр да тірі қалды. Соңғы шабуыл Грозный қаласында болды. Мерседес көлігіне мінген 2 содыр бақылау бекетінен тексерусіз өтіп полицейді қағып кете жаздады. Қуғын басталып, жолда тұрған 2 полицей оларды атып өлтірді. Тергеушілердің айтуынша, шабуыл жасағандар 18 жасқа толмаған жеткіншектер екен. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]
![](https://i.ytimg.com/vi/JPRP_dsrb7Y/mqdefault.jpg)