Жаратылысымыз табиғатпен етене жақын екенін көктем туар сәтте ерекше сезінесіз. Көңіл өзгеше күйге еніп, жандүние әлдебір жылулықты іздейтіндей. Күннің нұры да, шуағы да жаныңды жылытады.

Табиғаттың дүр сілкініп, түрленер шағы мен адамзаттың жан қалауында өзгеше үндестік бар. Көктем – түркі жұрты үшін күнтізбедегі жаңа кезеңнің бастауы. Ал жаңа күннің, жаңа жылдың 8 наурыз – Халықаралық әйелдер мерекесінен басталатыны тегін емес.

Ана – өмір сабағы. Ұрпақ жалғастығы. Ал көктем – бүкіл тіршілік атаулының бастауы. Бүр жаратын, дүр жасайтын шағы. Көктем келе дала да, қала да құлпырып жайнайтын кез. Әйел біткен де осы кезеңде өзгеше шырайланып, сұлулана түседі.

Ызғарлы суық қыстан кейін шуақты шақтар басталады. Міне, осы кезде аяулы аналарымыздың, жанымыздың тірегі жарларымыздың, торғын тартқан әпке қарындастарымыздың мерекесі – 8 ші наурыз күнін атап өтеміз.

Құрметті аналар, нәзік жанды қыз-келіншектер сіздерді ерекше мереке 8 наурыз халықаралық әйелдер күнімен құттықтаймыз.

свернуть