Şeirin Adı: "Qış olub, üstümə niyə gəlmisən?"
Şeirin Müəllifi: Musa Yaqub
Şeiri Səsləndirən: Pünhan İsmayıllı
Covered By: Tural Hüseynov ( @turalhuseyn0v )
Yayım: Poeziya Klubu ( @poeziyaklubu )
Əlaqə:
E-mail: poeziyaklubu@mail.ru
WhatsApp: Tural Hüseynov (0556442723)

Şeirin Sözləri:

Soldurub bağını, töküb barını,
Daha şuxdan salıb yarpaqlarını,
Soldurub o çıraq yanaqlarını
Qış olub, üstümə niyə gəlmisən?

Sən adlı o xanım-xatını mənə,
Vermədin öz şahlıq taxtını mənə.
Qıymadın gül-çiçək vaxtını mənə,
Qış olub üstümə niyə gəlmisən?

Məni həsrət qoyan ilk bəhərinə
İndi gəlib məni yada salıbmı?
Gözünün alovu özgələrinə,
Saçının qırovu mənə qalıbmı?
Qış olub üstümə niyə gəlmisən?

Gözəllik - neylədin o bəxşişini,
Gəlmisən, bəs kimə bəxş etdik onu?
Nə bildin taleyin göndərişini
Qaytara bilmirəm, nə bildin bunu?
Nə bildin mən bir az ürəyi kövrək,
Qadın baxşında mütiyəm, lalam.
Nə bildin o həsrət məni əyəcək,
Nə bildin səninçin keçilmiş yolam.
Qış olub üstümə niyə gəlmisən?

Ağlayan hirsimi soyutmağamı,
İncik ürəyimi uyutmağamı?
Təkəbbürlü xanım, a nazlı xanım,
Yox, yox, yalvarışı saxla, sən Allah.
Bu yazıq baxışı saxla, sən Allah.
Di yaxşı, bu dili, bu fəndi saxla,
Dilinin altında o qəndi saxla.
Gücün var - keçəni qaytar, soraqla,
Qış olub üstümə niyə gəlmisən?

Nə dedin?
Ah, bu nə yanıqlı sözdür?
Bir dayan, gözündə bu nə torandır.
Ah, mənim ürəyim nə ikiüzlü,
Vüqarımı necə yerə vurandır,
Bacara bilmədim, özümlə, heyf.
Qış olub üstümə niyə gəlmisən?

#MusaYaqub #Şeir #Pünhanİsmayıllı #Ədəbiyyat #Poeziya #Şair #RamizRövşən

свернуть