«Қазақстан әлем фотографтарының көзімен» деп аталатын көрме Нью-Йоркте БҰҰ-ның штаб-пәтерінде ашылады.

Онда аты әлемге танымал Павел Антонов, Шигеру Иошида, Андрей Мартынов сынды фотографтардың туындылары бар. Қонақтар Қазақстанның әр аймағын аралап, ерекше деп таныған жерлерін таспаға түсірген. Көрмеде Астана, ЕХРО 2017 көрмесі, ұлан-ғайыр даламыз бен күйбең тірлік үстіндегі ауылдардың көрінісі бар. Аталған көрме АҚШ-та еліміздің Тәуелсіздік күні қарсаңында ашылып, 1 жыл бойы келушілердің назарына ұсынылады. Әлемнің үздік фототілшілері түсірген суреттер бір кітапқа топтастырылып, Астанада таныстырылымы өтті. Аймақтарды аралаған фотографтардың жұмыстары шілде айында Астана тұрғындары мен ЕХРО қонақтарына көрсетілген болатын. Жоғары бағаланған туындылардың екі жүзін енді АҚШ жұртшылығы тамашалайды.

Шүкір Шахай, фототілші:

– Шетелдің фототілшілеріне біздің табиғатымыз өте қатты ұнады. Олар Қазақстанда туризмнің дамығанын қалайды. Қазақстанның көркем жерлері олардың қызығушылығын арттырды.

свернуть