#DorjanKeqi
Gjykata e Lezhës la në burg 40-vjeçarin Dorjan Keqi i arrestuar 2 ditë më parë, i akuzuar për vrasjen e ish-drejtorit të OST-së për veriun Saimir Jaku në 2016-ën. Në sallën e gjyqit, Keqi nuk ka pranuar akuzën për përfshirjen në ngjarjen e ndodhur në një lokal në qendër të Rrëshenit. Para togave të zeza ai tha se ditën e ngjarjes ka qenë në Vinjoll të Kurbinit.
Prokurori kërkoi masën e sigurisë arrest me burg që është pranuar nga gjyqtarja e çështjes Elsa Ulliri. Keqi u mbrojt me një avokat të caktuar nga shteti ndërsa në sallë nuk ka qenë asnjë nga familjarët.
Dorian Keqi u arrestua nga policia e Lezhës i dehur në timon. Nga marrja e shenjave të gishtërinjve rezultoi se ato përputheshin me gjurmët e administruara në 2016 në vrasjen e Saimir Jakut.
Gjurmët e tij, sipas hetuesve ishin të njëjtat ato që u gjetën në një bidon benzine me të cilën u dogj makina e autorëve. Sipas policisë, Keqi e ka kryer vrasjen kundrejt pagesës për llogari të një grupi të strukturuar kriminal që operonte në këtë zonë.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
