Rusiyada rəsmi səfərdə olan Azərbaycanın Birinci vitse-prezidenti Mehriban Əliyevanın Prezident Vladimir Putinlə görüşü olub. Prezident Vladimir Putin Azərbaycanla Rusiya arasında ticari-iqtisadi əlaqələrin artan həcminə diqqət çəkib. Bildirb ki, bu ilin doqquz ayı ərzində əmtəə dövriyyəsi 26 faiz artıb. Qeyd edib ki, bu, ciddi göstəricidir. İki ölkə bütün istiqamətlər üzrə - parlamentlər, ictimai təşkilatlar səviyyəsində əlaqə saxlayır.
Azərbaycan Prezidentinin salamını çatdıran Mehriban Əliyeva qeyd edib ki, iki ölkənin dövlət başçıları arasında müntəzəm görüşlər ikitərəfli əlaqələrin çoxvektorluluğunu və dinamizmini müəyyən edir.
Mehriban Əliyeva Rusiyadan Azərbaycana gələn turistlərin sayının artdığını, ötən il 900 min rusiyalının Azərbaycana səfər etdiyini vurğuayıb. Bildirib ki, Azərbaycanda rus mədəniyyətinə, rus dilinə çox böyük hörmət bəslənilir. Bakıda Rusiyanın bir neçə univrsitetinin filialları fəaliyyət göstərir. 338 məktəbdə tədris rus dilində aparılır, 14 dövlət ali məktəbində rusdilli bölmə var. Rusiyada 11 min azərbaycanlı tələbə təhsil alır. Rusiya prezidenti Azərbaycanda rus mədəniyyətinə, rus dilinə münasibətin ən yüksək səviyyədə saxlanıldığını və bunu çox yüksək qiymətləndirdiyini bildirb. Vladimir Putin “Dostluq” ordenini Birinci vitse-prezident Mehriban Əliyevaya təqdim edib.
Azərbaycanın Birinci vitse-prezidenti Mehriban Əliyevanın Rusiyaya rsmi səfəri davam edir.
