TIRANE - I shoqëruari i vetëm në polici Durim Bami, ka deklaruar në dëshminë e tij se ka qenë Tom Doshi i cili e ka porositur atë që të sajojë këtë histori sikur ndaj tij ishte organizuar një atentat.
Sipas burimeve të prokurorisë në deklaratën zyrtare që ka firmosur Bami, thuhet se ai nuk ka marrë porosi për atentatin ndaj Doshit dhe as nuk është paguar për ta vrarë atë.
Burimet e Prokurorisë po ashtu kanë bërë me dije se ka dyshime të forta që Bami të ketë njohje të mëparshme me Doshin.
Ne kuadër të hetimit të nisur kryesisht për veprën penale "vrasje e mbetur në tentativë", të regjistruar paraprakisht pa autor, Prokuroria për Krime të Rënda ka urdhëruar ndalimin e shtetasit Durim Bami, pasi nga të dhënat paraprake, ky shtetas konsiderohet se përben interes për hetimin.
72 orë pas shoqërimit në polici Durim Bami 36 vjeçari nga Fushë Kruja mohon para prokurorëve përfshirjen e tij në një Pazar për vrasjen e deputetëve Tom Doshi dhe Mhill Fufi.
I pyetur nga hetuesit në lidhje me deklarimet e deputetit Doshi, A1Report ka mundur të mësoje se Bami është përgjigjur duke mohuar akuzat.
“Unë nuk kam lidhje me vrasjen, gjithçka kam mësuar nga media nuk e di se si qëndron e vërteta,”- mësohet të ketë thënë Bami.
Bami është pyetur dhe në lidhje me një video - regjistrim prej 37 minutash ku pretendohet se ai ka deklaruar versionin se ish paguar për vrasjen e deputetit Doshi e Fufi, ndërsa është përgjigjur: “S’kam dijeni për videon që më pyesni, ekziston apo jo nuk e di por sqaroj se skam lidhje me këtë histori”.
Po ashtu Bami është pyetur dhe në lidhje me emrat e denoncuar si persona të cilat e kanë takuar apo paguar për vrasje, por ai është përgjigjur: “Njoh vetëm disa prej tyre por jo në raport me çka flitet por i njeh vite përpara në rrethana shoqërore si dhe po ashtu mohoi njohjen me politikanët që përfliten.
Këtë të mërkurë prokuroria ka urdhëruar dhe prangosjen e Bamit, ndërsa pritet që të enjten në mëngjes në prokurorinë e krimeve të rënda të paraqitet për dëshmi dhe deputetit Tom Doshi.
- See more at: [ Ссылка ]
Ещё видео!