Жыл басынан бері Ұлттық қауіпсіздік комитеті өкілдері террористік және экстремистік қылмыс жасағаны үшін 57 содырды ұстады.
Бұл ақпараттарды бүгін терроризмге қарсы орталық өкілі Сәкен Мыңбаев жариялады.
Лаңкестердің бір бөлігі өз істерін халықаралық террористік ұйымдар жауынгерлерінің тікелей басқаруымен жүзеге асырған. Тағы бір топ 2015 жылдың қарашасында шетелдегі лаңкестердің тапсырмасы бойынша Ресей мен Қазақстанда «Париждегі оқиғаларға» ұқсас қантөгіс жасауды жоспарлаған.
Оған тікелей қатысы бар топтың 5 мүшесі Астанада ұсталды. Ал биылғы 18 тамызда осындай айыппен Қырғызстан және Қазақстанның екі азаматы қамауға алынды. Олар шабуыл жасау үшін адам көп шоғырланған орындарды қарастырған. Мақсаттары - 2001 жылдың 11 қыркүйегінде АҚШ-та болған лаңкестік әрекетті қайталау.
Сонымен қатар жиында Ақтөбе қаласында болған террористік шабуылдарға байланысты қылмыстық істі тергеу аяқталғаны айтылды. Жалпы бұл оқиғалар бойынша 77 қылмыстық іс қозғалып, 21 фигурант қамауға алынған.
Сәкен Мыңбаев, ҚР ҰҚК Терроризмге қарсы орталық өкілі
-Облыстық прокуратураның келісімімен тергеу мерзімі және күдіктілерді қамауда ұстау мерзімі сотпен 4 айға ұзартылды. Жалпы сотқа 30 күдікті тұлға жолданды. 9 террорист, 18 мәлімет бермеуші, 3 жасырушы. Тергеумен келесі қорытынды жасалды, террористік акт ДАИШ ресми өкілі «шейх аль-Аднанидің» идеологиялық ықпалымен және оның ораза айында өз мемлекеттеріндегі террористік актілерді жасауға деген үндеуі негізінде, алдын ала дайындықсыз болды.
![](https://s2.save4k.ru/pic/KBeKQBjiPNY/maxresdefault.jpg)