Dy grupe që shpërdanin drogë në kryeqytet janë goditur nga policia e Tiranës. Në operacionin e koduar “Harta” u vunë në pranga 20 persona ndërsa janë shpallur në kërkim 4 të tjerë.
Drejtori i Policisë së Tiranës Tonin Vocaj doli në një konferencë për të njoftuar mbylljen e aksionit pas hetimit tre mujor.
“Gjatë operacionit u sekuestruan në cilësinë e provës materiale 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 miljonë lekë të vjetra, 1700 euro, 11 automjete dhe 29 aparate celulare. Nga hetimet ka rezuluar se këta shtetas në bashkëpunim me njëri-tjetrin vepronin të ndarë në grupe të vogla dhe shpërndanin lëndë narkotike në zona të ndryshme të Tiranës dhe Kamzës, afër shkollave, lokaleve të natës e ambienteve të tjera të frekuentuara nga të rinjtë.”
Pjesetarët e grupeve kriminale përdornin mesazhe të koduara dhe qarkullonin me mjete të transportit publik për të shmangur kontrollet e policisë.
I pyetur nga gazetarët për hetimet në lidhje me masakrën e Don Boskos , Vocaj tha se ka informacione për personat e përfshirë në krim.
“Policia ka informacione edhe për persona konkretë të përfshirë në këtë ngjarje, por për shkak të sekretit hetimor nuk mund të japim detaje në këto moment.”
Drejtori i policisë Tiranë njoftoi se për ngjarjen ku u vra gabimisht një grua dhe u plagosën 6 të tjerë është ngritur një grup i posaçëm me në krye prokurorin, por detaje të tjera nuk mund të zbulohen për shkak të sekretit hetimor.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
