Mungu ameficha siri kubwa katika kifo. Hivyo ndivyo unavyoweza kusema baada ya Mchungaji Kiongozi wa Usharika wa Kimashuku, Kanisa la Kiinjili la Kilutheri Tanzania (KKKT) Wilaya ya Hai, mkoani Kilimanjaro, Kantate Munis (42) kufariki dunia kwa ajali, saa chake baada ya kumtaka mumewe ambaye pia ni mchungaji, Israel Moshi kuvaa vazi lake la kichungaji kwenda kutoa huduma.
Mchungaji Munisi pamoja na mzee wake wa Ushirika, Laban Kweka (50), wamefariki dunia jana Jumapili Agosti 4, 2024 baada ya gari walilokuwa wakisafiria wakitokea kwenye uimbaji Usharika wa Gezaulole wilayani Hai, kugongwa na basi la abiria, wakati akikata kona kuingia kwenye usharika huo ambako ndiko anakoishi.
Akisimulilia namna alivyoagana na mkewe asubuhi, Mchungaji Moshi amesema wakati wanajiandaa kwenda kwenye huduma, mkewe alimweleza hajapendezwa na vazi la huduma alilokuwa amevaa (kanzu), hivyo akamtaka alivue kisha avae vazi lake la huduma.
Mkuu wa Jimbo la Hai, Dayosisi ya Kaskazini Mchungaji, Biniel Mallyo amesema kanisa limepokea kwa masikitiko makubwa msiba wa mchungaji huyo pamoja na mzee wa kanisa wa usharika huo ambao walifariki dunia papohapo na wengine kujeruhiwa.

свернуть