Rusia nisi një sulm ajror jashtëzakonisht intensiv në Kiev, duke përdorur drone, raketa sulmi i tetë ajror këtë muaj.
"Ishte i jashtëzakonshëm sa i përket numri maksimal të raketave që janë hedhur në një periudhë të shkurtër kohore," tha Serhiy Popko, kreu i administratës ushtarake të qytetit të Kievit. Nga sulmet e njëpasnjëshme mbetën të plagosur tre persona por nuk u raportua për viktima ndërsa u shkatërruan disa ndërtesa në lagjen Solomyanskyi në perëndim të kryeqytetit.
Sipas informacioneve paraprake, shumica e raketave u zbuluan nga mbrotja ajrore dhe më pas u shkatërruan. Pas një ndërprerjeje disajavore, Rusia në fund të prillit rifilloi sulmet me raketa me rreze të gjatë dhe ka nisur një sërë sulmesh në ditët e fundit duke synuar Kievin. Ukraina ka zmbrapsur shumicën dërrmuese të sulmeve deri më tani.
Sirenat e sulmit ajror u ndezën në pothuajse të gjithë Ukrainën në orët e para të së martës dhe u dëgjuan mbi Kiev dhe në disa rajone të tij për më shumë se tre orë. Rusia lëshoi gjashtë raketa balistike Kinzhal nga avionët e saj , nëntë raketa Kalibr nga anijet në Detin e Zi dhe tre raketa Iskander me bazë tokësore.
Sulmet erdhën pasi presidenti ukrainas Volodymyr Zelensky u kthye në Ukrainë pas një udhëtimi nëpër Evropë dhe ku mori premtime të reja për mbështetje ushtarake nga aleatët në Romë, Berlin, Paris dhe Londër. Në një video nga treni për në Kiev, ai tha: “Ne po kthehemi në shtëpi me ndihmën e re ushtarake. Armët më të reja dhe më të fuqishme për frontin, më shumë mbrojtje për popullin tonë. Mbështetje më e madhe politike.”
Ndërkaq Shtëpia e Bardhë ka deklaruar se Rusia po kërkon të blejë dronë të avancuar nga Irani për t'i përdorur në luftën e saj kundër Ukrainës. Zyrtarët amerikanë thonë se Irani i ka ofruar Rusisë gjithashtu armë artilerie dhe municion tankesh për luftën e saj kundër Ukrainës.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
![](https://s2.save4k.ru/pic/KOgYWxhSXaI/maxresdefault.jpg)