#rtvora #oranews
“Illyrian Guard” e njohur si policia private në varësi të qeverisë që do ofrojë shërbime sigurie ka marrë në dorëzim 30 institucionet e para. Në ruajtje nga kjo trupë policore janë marrë disa prej ministrive, spitali dhe godina të tjera qeveritare. Ndërkohë selitë diplomatike dhe institucionet e huaja janë skeptikë për sa i përket ruajtjes nga kjo trupë policore, por ministria deklaron se ata mund të marrin trupa shtesë nga vendet e tyre.
Shoqëria tregtare Illyrian Guard në varësi të ministrisë së brendshme që ofron shërbime sigurie me pagesë ka marrë në mbrojtje 30 institucione dhe objekte shtetërore.
Burime zyrtare nga Ministria e Brendshme thonë se institucionet që po ruhen me polici private janë disa prej ministrive, QSUT, materniteti i ri dhe objekte të tjera shtetërore.
Institucionet shtetërore kanë pranuar ndryshimin e trupës policore që merret me ruajtjen e godinave të rëndësisë së veçantë, ndërkohë ambasadat kanë kundërshtuar këtë ndryshim. Asnjë prej përfaqësive diplomatike apo institucioneve të huaja nuk kanë kërkuar shërbime sigurie nga “Illyrian Guard”.
Ligji aktual i policisë së shtetit parashikon, se ambasadat duke qenë institucione të rëndësisë së veçantë duhet të mbrohen nga efektivët e policisë. RTV Ora u interesua pranë ministrisë së brendshme lidhur me këtë përplasje të ligjit, dhe mori si përgjigje argumentimin se ambasadat, përveç trupës së “Illyrian Guard”, kanë mundësi të sjellin efektivë të huaj prej vendeve të tyre për qëllime sigurie fizike. Lidhur me këtë mundësi, ministria deklaron se nuk është depozituar së fundmi asnjë komunikim nga përfaqësitë e huaja ose Ministria për Evropën dhe Punët e Jashtme, në lidhje me prurje të reja të efektivëve të huaj. Qeveria do të veprojë me reciprocitet për sa i përket ruajtjes së ambasadave, ku të njëjtat masa që ofrohen në ambasadat tonë jashtë vendit, do të ofrohen dhe për selitë diplomatike.
Për më shumë lexoni në: [ Ссылка ]
Follow RTV Ora
Subscribe To "Ora News" on YouTube Channel for NEWS HERE: [ Ссылка ]
Subscribe To "Ora News" on YouTube Channel for TV Shows HERE [ Ссылка ]
For more content from click HERE www.oranews.tv
Like Ora News on Facebook HERE [ Ссылка ]
Follow Ora News on Instagram Here [ Ссылка ]
Follow Ora News on Twitter [ Ссылка ]
![](https://s2.save4k.ru/pic/KP7SV33KZHo/maxresdefault.jpg)