Lajme Arkiva 2006
17 delegacione të niveleve të larta ministrore të nismës së Evropës Qendrore janë mbledhur në Tiranë për të diskutuar mbi rolin e kësaj nisme në procesin e bashkëpunimit dhe integrimit evropian.
Shqipëria si kryesuese e këtij forumi ka dhënë mesazhet e bashkëpunimit, por dhe të integrimit sa më të shpejt të vendeve të Ballkanit Perëndimor në BE nëpërmjet zv/kryeministrit, Rusmali, dhe drejtuesit të takimit, Ministrit të Jashtëm, Mustafaji.
Ilir Rusmali: “Bashkëpunimi rajonal që ne po përpiqemi të zhvillojmë duhet azhurnuar dhe ngritur në nivele më të larta. Ai duhet të gërshetojë më së miri jo vetëm prioritetet tona afatshkurtra, por dhe ato afatgjata, prioritetet tona kombëtare me ato rajonale.”
Besnik Mustafaj: “Vendet e Ballkanit Perëndimor kanë nevojë për një perspektivë në secilin nga vendet tona. Gjatë kësaj periudhe edhe Shqipëria ka shënuar progres në shumë fusha. Mbështetur në vullnetin dhe gatishmërinë e shprehur jemi optimistë për nënshkrimin e Marrëveshjes së Stabilizim-Asociimit brenda presidencës austriake dhe ratifikimin sa më të shpejt të saj nga vendet anëtare të Bashkimit Evropian.”
Këto objektiva janë përcjellë edhe në takimin e mëpasëm të nismës Adriatiko-Joniane, ku bëjnë pjesë Shqipëria, Bosnje-Hercegovina, Greqia, Italia, Kroacia, Serbia, Mali i Zi dhe Sllovenia e që synon bashkëpunimin rajonal si parakusht për integrimin në BE.
Këto takime hapin siparin e një sërë aktivitetesh shumë të rëndësishme që do të mbahen këtë vit në Tiranë si samiti i kryeministrave, takimi i ministrave të transportit, të ministrave të bujqësisë, samiti ekonomik dhe forumi i energjisë./tvklan.al
Gazetare: Anila Hoxha
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
Ещё видео!