Məni gözəl xatırla,
Bunlar son sətirlər
Fərz et ki, bir meh idim, əsib keçdim həyatından
Ya da bir yağış, sel oldum küçəndə...
Sonra torpaq çəkdi suyu
İtib getdim...
Bəlkə də bir yuxu idim səninçün
Oyandın və mən bitdim
Məni gözəl xatırla!
Çünki sevdim səni, hər şeyini...
Sənə sirdaş oldum, dost oldum
Üzünə vurmadım heç bir əskikliyini
Məni üzdün qınamadım
Öyrəşdim vəfasızlığa...
Məni gözəl xatırla!
Səhifələrnən məktub buraxdım sənə
Şeirlər yazdım hər gecə, çoxunu oxumadım...
Saxladım günahını, savabını içimdə, səssizcə getdim...
Məni gözel xatırla!
Sənə unudulmaz gecələr verdim
Sənə ən yorğun sabahlar
Gülüşümü, gözlərimi, sonra səsimi verdim
Ən gözəl şeirləri yazdım gözlərinə baxa-baxa
Deyilməmiş əlvidalar saxladım hər küncə...
Nə axtararsan bir sevdanın içində
Artıqlamasıyla qoydum arxamda
Məni gözəl xatırla!
Dizlərində yuxuya getdiyimi düşün
Saçını oxşadığımı, üşüyən əllərini isitdiyimi düşün
Xoşbəxt olduğun anları gətir gözünün önünə
İndi səninlə yaşanan günləri oda verirəm
Məni gözəl xatırla!
Gedirəm...

fon musiqi: Fuad İbrahimli

#xezersuleymanli #mikayilmusfiq #menigozelxatirla

свернуть