Бүгін Нұрсұлтан Назарбаев Ақордада шұғыл кеңес өткізіп, Ұлттық банк пен Үкіметке бірқатар қатаң тапсырмалар жүктеді. Девальвациядан есін жиып үлгермеген салымшылар құқығын қорғап, банкке қайтпай жатқан несиелерді азайтуды тапсырды. Өйткені, ақпанда болған смс шабуылдан кейін халық банктерде сеніп сақталған депозиттерінен 250 миллиард теңгесін қайтарып алған. Доллар бағамының тұрақтылығына сенімсіз салымшылар, жиған-тергендерін банкке салуға қауіптеніп отыр. Енді халықтың жоғалған сеніміне кіріп, қаржылық сауатын көтеру әр министр мен Бас банкир Қайрат Келімбетовтің міндеті болмақ...
Ақордаға Үкімет мүшелері мен Ұлттық банк төрағасын шұғыл жинап, кеңес өткізген Нұрсұлтан Назарбаев ең алдымен қайтарылмай жатқан несиелерді азайтуды тапсырды. Өйткені, бүгінде жұмыс істемейтін, яғни банкке қайтпаған қарыздардың көлемі 33 пайыздан асып кеткен. Президент осыған дейін де бірнеше рет несиелердің не үшін қайтпай жатқанын анықтап, қатаң шаралар қабылдауды жүктеген еді. Алайда, банктер асығар емес. Бүгін Нұрсұлтан Назарбаев Ұлттық банк төрағасының есіне бұл мәселені тағы бір рет салып өтті...
НҰРСҰЛТАН НАЗАРБАЕВ, Қазақстан Республикасының Президенті:
ДЛЯ СИСТЕМНОГО подхода завершить работу в июне текущего года как мы договаривались.
Президенттен қатаң тапсырма алып шыққан Келімбетовтің түстен кейін тілшілер алдында терлеуіне тура келді. Бас банкирдің айтуынша, қазір проблемалық несиелер қоры құрылған. Мемлекеттен 250 миллиард теңге құйылса, банктер қайтарылмайтын несиелерден құтылуы тиіс. Қарызы қалмаған банктер салықтан босатылады, ал талапты орындамағандары лицензиясынан айырылуы мүмкін. Оның сыртында, ақпандағы ақпараттық шабуылдан кейін салымшылар банктердегі 250 миллиард теңгесін қайтарып алған. Келімбетовтің доллар дәлізін анық көрсетпеуі себебінен секем алғандар, курс 200-ге дейін бара ма деген қауіппен жиған-тергенін банкке салмай отырғаны тағы бар. Алайда, Бас баникр АҚШ ақшасының курсы 200-ге жетпейді деген уәде беріп отыр...
ҚАЙРАТ КЕЛІМБЕТОВ, ҚР Ұлттық банк төрағасы:
Айырбастау бағамы инфляцияға маңызды бағам. Сондықтан осы жылда осы диапазонның арасында боламыз, -+3 теңге. Марченконың +15 теңге дегені басқа макроэкономика болды.
Келімбетов - банк қожайыны екен деген қауесетке қатысты сауалға бас банкир күле жауап берді. Иелігімде банкім болса, қуана-қуана қостар едім деген Қайрат Нематұлы, еліміздегі 38 банкке қатысым жоқ деп отыр.

свернуть