Բաղադրատոմսն իմ շատ սիրելի տատիկինն է:
Ի դեպ այս բաղադրատոմսը կարող եք գտնել նաև իմ «Համեղ և առողջարար» գրքում:
Սա ամենապահանջված բաղադրատոմսն է իմ սիրելի հետևորդների կողմից: Շնորհակալ եմ, սիրելիներս:
Մեզ անհրաժեշտ է՝
Խմորի համար
Թաց բաղադրիչներ՝
150 գր սառը կարագ, բաժանած կտորների
1 բ մածուն
2 ձու
1 թգ վանիլին
Չոր բաղադրիչներ՝
1 բ ամբողջական սև ալյուր
1.5 բ սպիտակ ալյուր
2 ճգ շաքարավազ
1 պտղ աղ
1 թգ սոդա
Միջուկի համար՝
2 բ ընկույզ, մանր կտրատած
1+1/4 բ շաքարավազ
1 ձվի սպիտակուց, նախապես հարած (դեղնուցը պահել երեսին քսելու համար)
Ըստ ցանկության գաթայի միջուկի մեջ կարելի է ավելացնել դարչին և քերած
մշկընկույզ:
Խմորի թաց բաղադրիչներն առանձին միացնել իրար, չորերն՝ առանձին: Այնուհետև թաց բաղադրիչները պրոցեսորով հարել, ավելացնել չոր բաղադրիչները: Չոր բաղադրիչներն ավելացնելուց հետո շատ հարել պետք չէ: Արդեն հարված խմորը տեղափոխել ալյուր շաղախած տախտակի վրա և մի փոքր էլ ձեռքերով հունցել: Աշխատել արագ, որպիսի ձեռքերի ջերմաստիճանը շատ չփոխանցվի կարագին, կարագը չհալվի ու խմորը փափուկ ստացվի:
Խմորը բաժանել 2 հավասար գնդերի, փաթաթել սննդային թաղանթով ու դնել սառնարան: Թողնել սառնարանում հանգստանա 40 ր:
Միջուկի բաղադրիչները խառնել իրար:
40 ր ժամանակի լրանալուց հետո գնդերը հանել սառնարանից: Հերթականությամբ գնդերը գրտնակել: Գրտնակած գնդերի վրա տարածել միջուկը և փաթաթել:
Երեսներին քսել հարած դեղնուց և թխել նախապես 180C տաքացված ջեռոցում 30-35 ր: Գաթան պետք է գեղեցիկ ոսկեգույն լինի:
Չքնաղ գաթան պատրաստ է: Փխրուն, համեղ և որքա՜ն անուշ է բուրում:
Մնում է 1 գավաթ սուրճ կամ թեյ պատրաստել և միասին վայելել:
When I was a little girl I would watch my beautiful grandmother make her delicious Walnut Gata and my sisters and I would always help her by getting our fingers in the dough and pretending to knead the dough. Today I have published her recipe in my cookbook "Healthy and Delicious". I love you Grandma!
Ещё видео!