Lajme Arkiva 2004
Ndërsa afrohet ora e zhvillimit të ndeshjes Shqipëri-Greqi në stadiumin “Qemal Stafa” në Tiranë, policia po përforcon masat e sigurisë. Është ndërprerë aktiviteti i të gjithë lokaleve përreth stadiumit për të shmangur, sipas policisë, kaosin që mund të krijojë prania e tifozëve që në orët e paradites. Në këtë zonë e vetmja që nuk ka fluks makinash në të gjithë Tiranën, nuk janë lejuar as personat që shesin bileta apo sende simbolike me rastin e ndeshjes.
Postblloqet e policisë janë shtrirë thuajse në të gjithë akset rrugore të Tiranës, veçanërisht në qendër të saj, sheshin “Italia”, bulevardin “Dëshmorët e Kombit” dhe sheshin “Nënë Tereza”. Policia ka rikujtuar se segmenti rrugor nga stadiumi “Qemal Stafa”, kalimi para godinës së Radio Televizionit Shqiptar deri te kryqëzimi i “Unazës” do të jetë i lirë vetëm për shërbimet e urgjencës ndërsa portat hyrëse të stadiumit janë të pajisura me kamerat e policisë për të vëzhguar tifozët. Nuk do të lihen pas dore kontrollet për personat në kërkim apo ata që mbajnë armë apo lëndë eksplozive.
Masat e kontrollit janë të përforcuara edhe në rrugët që lidhin Tiranën me qytetet e tjera ku fluksi i makinave që hyjnë në kryeqytet ka qenë i jashtëzakonshëm gjatë orëve të paradites. Për ruajtjen e rendit dhe mbarëvajtjen e ndeshjes Shqipëri-Greqi janë angazhuar rreth 1300 forca policore. /tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://s2.save4k.ru/pic/KjDKJrFHd9w/maxresdefault.jpg)