2-3-iyul kunlari Turkiyadagi suriyaliklarga hamdardlik ifodasi sifatida isyon ko'tarildi: Suriyadagi qurolli guruhlar Turkiya harbiylariga zarba bergan. Halabda turklarning 11 ta yuk mashinasiga o't qo'yilgan. Turkiya Suriya bilan chegarani yopgan. Turkiyada suriyalik yetti yashar vatandoshini jinsiy zo'rlagan shaxsning hibsga olingani ortidan hafta boshida migrantlarga qarshi turklar isyon ko'targan edi. Mamlakatda suriyaliklarga tegishli bizneslar, ish joylari va avtomobillarga o't qo'yilgan. Kamida yetti kishi halok bo'lgan. Suriyada fuqarolik urushi boshlangan 2011-yildan buyon Turkiya 3,5 milliondan ziyod qochqinni qabul qilgan. Biroq mamlakatda iqtisodiy tanazzul va jinoyatchilik kuchayar ekan, fuqarolar Prezident Rajab Toyyib Erdog'anning "ochiq eshiklar" siyosatini tugatishga chaqirmoqda. Erdog'an suriyaliklarga qarshi isyonni muxolifat atay yuzaga keltirganini aytib, fuqarolarni vazminlikka chaqirgan. Xavfsizlik xodimlari 474 nafar isyon ishtirokchisini hibsga olgan.
