Media prestigjoze britanike DailyMail i ka kushtuar një artikull vrasjes së avokatit Ravik Gurra, që u ekzekutua me armë zjarri në një lokal në Elbasan në mars të këtij viti.
Sipas Daily Mail policia po heton në dy pista dhe me shumë mundësi Ravik Gurra është vrarë për shkak të humbjes së ndonjë çështje madhore. Në artikull thuhet se pista tjetër e hetimit është ajo e vrasjes nga kundërshtarët e grupit të Çapajve.
Ndër të tjera Daily Mail shkruan se kjo vrasje ka sjellë panik edhe tek avokatët e tjerë nëpër botë që mbrojnë çështjet e kriminelëve shqiptarë, pasi jeta e tyre mund të rrezikohet në rast humbje.Një avokat britanik që përfaqësonte gangsterët shqiptarë është qëlluar për vdekje, duke provokuar frikë. Ai u ekzekutua pasi humbi disa çështje penale të profilit të lartë. Ravik Gurra, 50 vjeç, u qëllua tre herë në kokë nga një person i armatosur me pistoletë silenciator, teksa ishte ulur në një kafene me miqtë në qytetin e Elbasanit.
Vrasja shkaktoi shok edhe në qytetin Hertfordshire, ku Gurra jetonte me gruan e tij, Nina dhe dy vajzat adoleshente.
Gurra, i cili ka punuar më parë si përkthyes i Office Home, kishte përfaqësuar disa gangsterë shqiptarë, përfshirë anëtarët e familjes Çapja, por kishte humbur një numër çështjesh.
Në nëntor ai përfaqësoi Emiljano Shullazin, i cili u shpall fajtor për zhvatje dhe drejtimin e një organizate kriminale dhe u dënua me 14 vjet burg. Nuk ka asnjë provë që ta përfshijë Shullazin në ekzekutimin e avokatit të tij, Ravik Gurra.
