•
“Një perlë e vërtetë e natyrës shqiptare, që i tejkalon të gjitha pritshmëritë”, e konsideron turisti italian që vjen për herë të parë.
Tamara, Selca, Qafa e Predelecit, Lepusha e Vermoshi presin çdo ditë
vizitorë nga shumë vende të Europës. Prezantimin e parë me natyrën, gjelbërimin dhe dekorin alpin turistët e bëjnë që në ballkonin panoramik të Leqeve të Hotit.
Vera e këtij viti paraqet një tablo optimiste, ku bujtinave mikpritëse në të gjithë gjeografinë e Këlmendit deri në prehër të alpeve, po u kthehet gjallëria.
Në kushtet e vështirësive të papritura dhe sfidave shëndetësore globale të paparashikueshme, shumë rezervime u anuluan, mirëpo pas kthimit të normalitet vihet re një lloj nxitimi për të prekur magjinë e natyrës, mikpritjen tradicionale dhe shijen e prodhimeve bujqësore e blegtorale të Këlmendit.
Fshatrat e zhytura në gjelbërim të thellë mes maleve të larta, ngjajnë si piktura gjigante. Në lartesitë e tyre mund të gjesh turistë deri nga Australia e largët. Nëpërmjet turizmit, përherë në rritje, banorët e zonës sigurojnë të ardhura për familjet e tyre.
Në Këlmend, në një ditë të zakonshme ndesh ata që pushojnë dhe vijnë për të shijuar bukuritë e natyrës, si dhe ata që punojnë për t’u shërbyer atyre.
Blegtoria është traditë ndër breza e banorëve të Këlmendit. Falë edhe kushteve të mrekullueshme të mbarështimit në livadhet e kullotat alpine, sigurohen prodhimet organike, bio, si qumështi, djathi, gjalpi, maza, aq të kërkuara nga turistët.
Ata dashurohen qe ne kontaktin e parë me natyrën dhe njerëzit, ndaj shumë prej tye janë vizitorë të përvitshëm të alpeve.
Rol të spikatur në prezantimin e këtyre vlerave dhe promovimin e turizmit ka Albani, operatori i pasionuar i zonës.
Martina, antropologia franceze, prej vitesh ka vendosur të jetojë në Tamare, ku ndihet si në shtëpinë e saj.
©
Shënim: Çdo koment i Juaji kalon në monitorim përpara publikimit, për të shmangur ofendimet.
