Президент сайлауына кандидат ұсыну мерзімінің аяқталуына екі күн қалды. Бүгін «Ауыл» партиясының атынан Мемлекет басшысы лауазымына үміткер Төлеутай Рахымбеков Орталық сайлау комиссиясына келіп құжаттарын өткізді. Онымен бірге «ауылдықтардың» көшбасшысы Али Бектасов та келген. Арнайы коммиссия құжаттарды қабылдап, барлығының да талапқа сай екендігін растады. Енді ертең Рахымбеков мемлекеттік тілді жетік меңгергенін растау үшін емтихан тапсырады. Бұл сынға ол үлкен жауапкершілікпен дайындалып жатқанын айтады.
