Жамбыл облысында «Атамекен» кәсіпкерлер палатасына барған 50-ден астам тұрғын орталықтың сылбыр, әрі жүйесіз жұмысына қарсы шықты. Осыдан бірнеше ай бұрын жұмыссыз ретінде тіркеліп, осы орталық арқылы арнайы оқыту курсынан өтуге ниет білдірген азаматтар бүгін оқуға онлайн тіркеу басталған кезде бірде-бірі тіркеле алмай қойыпты. Өйткені кәсіпкерлер палатасының сайты жұмыс істемей қалған екен.
Жеке кәсіптерін ашуға ниетті тұрғындар таңнан бері «Атамекен» кәсіпкерлер палатасының есігін күзетті. Себебі бүгін «Бизнес Бастау» жобасы аясында бір айлық арнайы курсқа тіркеу басталған. Бірақ «Атамекеннің» сайты жұмыс істемей тұр деп ашуға бұлыққан ел ақыры осында келген.
ӘЛИЯ ЕЛУБАЕВА, қала тұрғыны:
– Мен азанда ауызашарға тұрдым. Содан бері отырмын сайтта. Сайт ашылған жоқ. Сөйтіп, он болмай осында келдім. Адам көп. Ішке бір адам кірген жоқ. Мен көргем жоқ. Атамекеннің бір адамды кіргізіп, тіркегенін көрген жоқпын мен.
АЛТЫНАЙ ЕРҚАРАЕВА, қала тұрғыны:
– Ол жерде адам шектеулі екені айтылмаған. Егер де қазір карантинді режимде 160 адам деп жазылатын болса тек қана 160 адам келуші еді. Мұнша келіп, пораженный болып жүрмес еді. Бізге дұрыс ақпарат берсе, біз де дұрыс келуші едік.
Жалпы биыл «Бизнес Бастау» жобасы аясында 885 кәсіпкерге қайтарымсыз грант беру жоспарланыпты. Бірақ жұмыспен қамту орталығы қазірдің өзінде 1000 азаматқа жолдама берген. Ал кәсіпкерлер палатасының өкілдері сайттағы ақау - өтініш берушілердің көптігінен деп отыр.
САМАТ ҚОСАЛИЕВ, Жамбыл облыстық «Атамекен» кәсіпкерлер палатасының басшысы:
– 4 мың адамды біз 800 адамнан 6 потокқа бөлген болатынбыз. Ол тек қана Тараз қаласы бойынша емес, облыстың барлық аудандарында да жүріп жатыр. Қазіргі таңда Жамбыл ауданы жабық деп айтып жатыр. Бірақ Мойынқұмда заявка әлі қабылданып жатыр. Ол кәсіпкердің тығыздығына және белсенділігіне байланысты.
Мамандар, арнайы курстан өткісі келген азаматтар мамыр айында басталатын екінші кезеңге дайындаулы қажет дейді. Айтуларынша, жұмыспен қамту орталығынан жолдама алғандардың бәрінде сертификат алу мүмкіндігі бар. Ал шенеуніктердің сөзіне сенбейміз деген ел, «оқуға берілетін жолдамалар санын көбейтіп, «сайттың жұмысын жүйелесін» деп талап қойды.
Нұрболат Жаңабекұлы, Дәулетбай Нұрмахан
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#БизнесБастау #Атамекен #грант
