Ауыл мен қаланың тартысы, ырымшылдық пен күрес, қазақы тәрбие мен жаңашылдықтың қарама-қайшылығы, зейнеткерлер арасындағы сезім. Мұның бәрін бүгін «Хабар» арнасында басталатын комедия жанрындағы «Мезгілсіз махаббат» телехикаясынан көре аласыз.

14 бөлімдік туынды ауылдан Астанаға қыдырып барған Демесін ақсақалдың қаладағы көрікті кемпірге ғашық болуынан басталады. Сценарий кейде қарапайым сюжеттермен өрілсе, кейде күтпеген оқиғаларымен көрерменді баурап алады. Фильмнің режиссері – Әнуар Матжанов. Ал басты рөлдерді Айдос Бектеміров, Дариға Бадықова, Жалғас Тоғанбай ойнайды. Отбасылық комедия біздің арнада сағат 19:30-да басталады.

Айдос Бектеміров, ҚР еңбек сіңірген артисі:

– Жай ғана махаббат емес, мұның ар жағында үлкен сыйластық, үлкен сезім, түсіністік, жас озғанда адамдардың қалай сүюі менің өзіме де қызық шынын айтқанда. Қалай сүйеді үлкен адамдар? Бұл бір енді білмейтін жол сияқты. Шынында да солай ғой.

свернуть