Մեր Տեր Հիսուս Քրիստոսը երբ հաստատում էր Սբ. Հաղորդության Խորհուրդը, ասաց. «Այս արեք իմ հիշատակի համար» )Ղուկաս 22:19): Նույն այդ ընթրիքի ժամանակ նա ասեց. «Ով իմ պատվիրաններն ունի և պահում է դրանք, նա է Ինձ սիրում...» (Հովհ. 14:21): Ահա թէ ինչու է կարևոր կատարել Տեր Հիսուսի այս պատվիրանն ու երկյուղով ու հավատքով մասնակցել Սբ. Պատարագին ու Սբ. Հաղորդություն ստանալով հաղորդվել Աստվածային բնությանը:
Սբ. Պատարագին ամեն Կիրակի մասնակցելը ծարավը հագեցնելու պես բան է: Ամեն Քրիստոնյա ամեն Կիրակի պիտի մասնակցի Պատարագին եթե նա սիրում է Քրիստոսին: Պատարագին մասնակցելը պատվիրան է հենց Քրիստոսի կողմից: Եթե դու ասում ես ժամանակ չկա Պատարագի մասնակցելու, նշանակում է Քրիստոսը քո կյանքում դեռ ամենաառաջնայինը չի, նշանակում է դու դեռ առաջինա մենամեծ պատվիրանը չես կատարում, նշանակում է քո համար դեռ կան շատ ավելի կարևոր բաներ քան քո Աստվածը, որ քո կյանքի միակ աղբյուրն է, տվողը և քո կյանքի բոլոր թելերն իր ձեռքին:
Իսկ եթե Պատարագը չէք հասկանում, ապա խնդիր չկա: Պետք է մի մեկնություն վերցնել ու սովորել, մարդ մի քանի օրում կսովորի ու կվարժվի: Ամեն Կիրակի Պատարագին մասնակցելով ու Քրիստոսի հետ հաղորդվելով մարդ կսովորի ու կվարժվի: Ու այսպես Պատարագը կդառնա հարազատ, որովհետև դա միակ միջոցն է Աստուծո հետ ֆիզիկապես հաղորդվելու:
![](https://i.ytimg.com/vi/LjpWu7vIpNc/maxresdefault.jpg)