Presidenti i Shteteve të Bashkuara, Joe Biden shprehet se Rusia mund ta pushtojë Ukrainën nga momenti në moment duke pritur vetëm një justifikim. Kreu i Shtëpisë së Bardhë tha se përplasjet në rajonet separatiste janë inskenime të Moskës.
“Ata nuk kanë zhvendosur asnjë trup nga kufiri, por kanë shtuar më shumë prezencën e tyre ushtarake. Ne kemi arsye të besojmë se ata janë të përfshirë në inskenimin e një sulmi fals dhe ta përdorin atë si indikacion për të sulmuar më tej Ukrainën.
Në krahun tjetër Ministria ruse e Mbrojtjes publikoi pamje të makinerive ushtarake që lëviznin nga zonat kufitare pasi kishin mbaruar stërvitjen, duke pretenduar se kishte nisur rikthimi i tyre në bazat e përhershme. Por perëndimi mbetet skeptik mbi tërheqjen e trupave ruse. Zyrtarë të Shtëpisë së Bardhë thonë se jo vetëm që nuk ka tërheqje, por në kufi janë shtuar edhe 7 mijë ushtarë të tjerë.
Këtë të enjte Moska u ka dhënë përgjigje me shkrim propozimeve të Uashingtonit dhe NATO-s për zgjidhjen e krizës. Në shkresën prej 10 faqesh thuhej se SHBA ka dështuar të japë një përgjigje konstruktive. Ministria e Jashtme ruse tha se kërkesat e tyre po injorohen dhe ndaj Moska do duhet të përgjigjet me “masa ushtarake dhe teknike”.
Rusia ka dëbuar gjithashtu zëvendës ambasadorin amerikan nga ambasada në Moskë. Kremlini ka thënë se kjo është një përgjigje mbi dëbimin që i është bërë nga Shtetet e Bashkuara një zyrtari të lartë nga Ambasada në Uashington.
Tv Klan
#joebiden #bidenforrussia #ukraina
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://s2.save4k.ru/pic/LkOoRGe16pw/maxresdefault.jpg)