Şeir: Ramiz Rövşən - Bu şəhərdə ən gözəl iş
Səsləndirmə: Ramiz Rövşən
Musiqi: Fuad İbrahimli - Nə olar Allahım ayırma bizi
Biraddımla'ya YouTubeda abunə olmaq: [ Ссылка ]
Biraddımla'nın sosial şəbəkə ünvanları:
Instagram: [ Ссылка ]
Facebook: [ Ссылка ]
TikTok: [ Ссылка ]
Telegram: [ Ссылка ]
E-poçt: biraddimlayol@gmail.com
RAMİZ RÖVŞƏN - BU ŞƏHƏRDƏ ƏN GÖZƏL İŞ
Bu şəhərdə ən gözəl iş
Səni sevməkdi,sevmək!
Səni bu şəhərin hər qarışında,
Yazında, yayında, qışında sevmək.
Səni qaranlıqda, işıqda sevmək.
Tellərini tükbətük,
Əllərini barmaq-barmaq sevmək.
Hər gün sənə şeir yazıb,
Səni varaq-varaq sevmək.
Varağa hopan mürəkkəb kimi
Sənə hopmaq.
Hər gecə özümü səndə itirib,
Hər səhər yenə tapmaq.
Dəyişdim mən səni görəndən bəri,
Mənə nə etdinsə, təkcə sən etdin.
Sənsiz bu şəhərdə qəribdim, qərib,
Mənə bu şəhəri sən Vətən etdin.
Burda təkcə səni qazanmışam mən,
Bəxtim öz işini bilirmiş demə.
Yüz yol bu şəhərdə yol azmışam mən,
Bütün yollar sənə gəlirmiş demə.
...Qırmızı yaylıqda
Yoldan ötürdün,
Qanım damarımda dondu dayandım.
Dəlitək sürdüyüm bu cavan ömrün
Qırmızı işığı yandı dayandım...
Ramiz Rövşən:
“Sizə deyim ki, insanlar birinci növbədə səmimiyyəti görürlər. Burada söhbət yaradıcı adamın, şairin özünə qarşı səmimiyyətindən gedir. Özünə qarşı səmimi olmayan adam heç kəslə səmimi ola bilməz. İnsan öz hislərini, yaşadıqlarını səmimi ifadə edirsə, başqa adamlar da onun yazdıqlarında özlərini tapırlar. Bütün yer kürəsində olan insanlar təxminən eyni hisləri yaşayırlar. Sadəcə, insan var ki, həmin hisləri ifadə edə bilir. Allah ona bu bacarığı verib. Amma Ramiz Rövşəndən qat-qat duyğulu, həssas insanlar var ki, onlar öz hislərini bu cür ifadə edə bilmirlər. Mən bunu dəfələrlə görmüşəm. Əgər onlar hislərini, yaşadıqlarını ifadə edə bilsəydilər, Allah bilir, nələr yaradardılar. Biz də məhz bu cür insanların bir növ dilmancıyıq. Təkcə insanların yox, ağacın da, otun da, quşun da dilmancıyıq. Şeir də elə budur!
İnsan özünü görəndə tapır, özünü tapanda sevir. Bizim də şeirlərimizdə insanlar özlərini görürlər, tapırlar, hiss edirlər. Şairə olan münasibət də şeirdəki hislərin doğmalığından asılıdır. Gözəl bir deyim var: “Ən gözəl şeir odur ki, oxuyan kimi deyirsən ki, elə bil dilimin ucunda idi”.
Şeir insana bu qədər doğma olmalıdır. Sizə bir şey deyim: yazan zaman oxucu haqqında düşünməyən, “oxucu bu barədə nə deyəcək” söyləməyən şairi mən qəbul etmirəm. Oxucu da bunu hiss edir. Yəni o şeiri oxuyan kimi anlayır ki, sən yazan zaman onu düşünmüsən, ya yox. Sən oxucuya yarınmağa çalışma. Oxucuya yarınmağa ehtiyac yoxdur, namusla, vicdanla duyduqlarını çatdırmağa çalışmalısan. O zaman oxucu həmişə yanında olacaq. Nazim Hikmətin bir sözü var: “Pətəyində balın olsun, arısı gələr Bağdaddan”.
#ramizrövşən #buşəhərdəəngözəliş #fuadibrahimli #nəolarallahımayırmabizi #neolarallahimayirmabizi #musiqi #melodiya #şeir #şair #poeziya #ədəbiyyat #ədib #sənətkar #sənət #biraddimla #biraddimlayol
Ещё видео!