Даъвати баҳорӣ ба хизмати ҳарбӣ дар вилояти Хатлон 03.04.2023

Беш аз 1000 ҷавони бо нангу номус, далерони шуҷоъро, ки ихтиёран ба сафи Қувваҳои Мусаллаҳи ҶТ мепайванданд, имрӯз дар маркази маъмурии вилояти Хатлон шаҳри Бохтар сокинон бо хушҳолию хурсандӣ ва карнаю сурнай истиқбол ва гусел намуданд.
Дар ин тадбири муҳим, ки аз ҷониби Комиссириати ҳарбии вилоят роҳандозӣ шуд, даъватшаванда ва падарону модарони онҳо аз 25 шаҳру навоҳии вилоят ҷамъ омада, аз назди комисариати ҳарбӣ то Кохи фарҳанг ва иттилооти шаҳри Бохтар роҳпаймоӣ намуданд.
ЛАЙФ
Қабл аз шуруи қисмати тантанавии “Даъвати баҳорӣ” назди Кохи фарҳанг ва иттилооти шаҳри Бохтар сарбозону афсарон машқҳои намунавӣ ё худ тактикиро иҷро намудаю бо чусту чолокӣ, ба ҳарифи худ ҳамла карда, онҳоро ба тахтаи пушт хобониданд.
Бо ин васила, як лаҳза мактаби мардонагиро ба ҷамъомадагон манзур гардониданд.
Баъдан маросими “нонгазон”, аз суйи модарону бонувон анҷом дода шуд.
ЛАЙФ
Дар қисмати асосии “Рӯзи даъватшаванда” Давлаталӣ Саид, раиси вилояти Хатлон ширкат ва суханронӣ намуда, аҳли нишаст, падару модарон ва ҷавонони нерӯмандро барои ихтиёран ба сафи Қувваҳои мусаллаҳи ҶТ пайвастанашон табрику таҳният гуфт.
Гуфта шуд, ки ҳамасола тибқи фармони сарвари давлат, дар сар то сари мамлакат маросими даъвати ҷавонон барои адои хизмати Модар-Ватан дар ду мавсим тирамоҳ ва баҳор сурат мегирад.
Ҳамакнун даъвати баҳорӣ оғоз гардиду ҷавонони шуҷоъ метавонанд барои ҳифзи хоки меҳан, адои хизмати Модар-Ватан, ба ҷузъу томҳои Вазорати мудофиа ва дигар мақомоти қудратию низомии кишвар сафарбар гардида, қарзи ҷавонмардии худро иҷро намоянд.
Раҳбарияти вилоят зикр намуд, ки яқинам ҷавонони ватандӯст ва хештаншиноси вилояти Хатлон ҳангоми адои хизмати ҳарбӣ вазифаи бошарафу муқаддаси худ - ҳимояи Ватани маҳбубамонро бо сари баланд ба ҷо оварда, баҳри таъмини зиндагии осоишта ва муҳофизати марзу буми меҳан бо интизоми қавӣ, донишу малакаи муосир ва муҳимтар аз ҳама, бо рӯҳияи баланди садоқат ба давлат, Ватан ва халқи хеш хизматро адо мекуанд.
СИНХ. Фирӯз Аминов, даъватшаванда
Ҳамчунин дар маросими сафарбарии наваскарон, волидайн ва ҷавононе, ки ихтиёрӣ ба хизмат мераванд, баромад карда, ҳимояи шаъну шараф ва сарзамини меҳанро ба дигарон низ талқин намуданд.
Пас аз суханронӣ, ҳамчун рамзи кадршиносӣ ба наваскарон туҳфаҳои хотиравӣ тақдим карда шуд.
ЛАЙФ
Бо ҳамин тартиб ба ифтихори даъватшудагон ва ҷавонони шуҷои Ватан аҳли ҳунару фарҳанги вилоят барномаи мукаммали театрикунонидашударо бо суруду оҳангҳои ҷаззоби тараннумгари Ваҳдату якдилӣ ва тинҷу осудагии меҳан пешниҳоди ҷамъомадагон гардониданд.

свернуть