Liberal le piangthar lo nih khamh a tlau an tinak le Bible an zumh dih lonak hi an thlarau mit a cawt caah a pakhatnak cu a si nain a ruang dang pakhat cu kanmah piangthar nunzia ruang ah hin a si bik ve. Kan nunzia zoh aa dawh lo caah le zohchunhawk kan tlak lo caah kan thleng kho hna lo. Piangthar tampi nak in piangthar lo tampi hi siikaan an ngei deuh tawn. A tlangpi in mi ttha le tthanchonak a tuahmi zong an tam deuh tawn.
Liberal hi hlan ahcun ramchung in ramleng ah cacawng mi mirang ca a rel kho tung i, a piangthar lomi hi an rak tam bik nain tuchan ahcun ramleng ah kan chuah dih caah a piangthar lomi ramdang ah sianginn a kaimi hi tam bik dawh kan si cang. Liberal hi an tthawng chin thluahmah. Bible nak in Science an zumh deuh cang hna. Big Bang Theory ttawn chom nih a thawt deuh hna. Bible cu Science hlan ah a um caah Science hi Bible he aa kalh ah cun Bible ah kan dir awk a si nain Bible he aa kalh zongah Science hi an zumh deuh i, an uar deuh cang. Liberal hi an tthawng chin thluahmah lai. Liberal cawnpiaktu hi mifim le cathiam ttung a piangthar lomi an si zungzal. Biatak a si lo caah kan doh zungzal ve hna lai. Cu ralthuam caah a ttha bik mi cu nun hangkhaa lo tein le zumhawktlak tein nun hi kan herh.
Liberal nih cun piangthar lo vawlei mifim kha piangthar thawngtha chimtu le Bible nak in an nun ah khing an ngei deuh cang. Vawlei nih a dawp cang hna. Aruang a tampi kho. A pakhatnak cu an pianthar lo caah a si. A pahnihnak cu piangthar kan nun aa dawh lo caah a si. Cucaah piangthar hi kan nunzia aa dawh bak a hau. Cu lawng ahcun piangthar lo pawl hi an piangthar kho te lai.
![](https://i.ytimg.com/vi/M2C8iBvE6aU/mqdefault.jpg)