Садоқатли сўконғичлар ОЛДИ-10талигига кирган барча иштирокчи қилмишлари фош бўлгач, кечирим сўрашган.

Бутун дунёда кимдир бировни сўкса ёки урса, ўша сўкилган ёки урилган кишидан узр сўрайди. Лекин янги Ўзбекистонда ундай эмас.

Фермерни ёки ўқитувчини, ёшни ёки кексани сўккан ёки урган сўконғич ва муштумзўр амалдорлар жабрланувчилардан эмас, президентдан кечирим сўрашади. “Сиз президентни сўкиб, урмадингиз-ку! Нега ундан кечирим сўраяпсиз?” – десангиз, сўконғич-муштумзўрлар: “Ишда қолиш-қолмаслигимизни шу киши ҳал қилади-да!” – деб, жавоб беришади.

Ҳақиқатдан ҳам сўконғич ва муштумзўр амалдорларнинг ишда қолиш-қолмаслиги жабрланувчи халқнинг эмас, тайинловчи президентнинг қўлидадир. Бу янги Ўзбекистоннинг эски аслидир!

“Факт ва фикр” каналига обуна бўлишни унутманг!

Фактларни ўрганинг ва фикр қилинг!

Бобомурод АБДУЛЛА

2021 йил 3 февраль

свернуть