Фильм атау: Қасым
Орысша атауы: Без права на выбор
Жыл: 2013
Ел: Қазақстан, Ресей, Украина
Режиссер: Леонид Белозорович
Жанр: Сериал, Тарихи,Қазақша кино
Рөлдерде: Қуандық Қыстықбаев, Александр Лыков, Александр Петров, Владимир Гостюхин, Мария Луговая, Михаил Евланов
Сипаттама: Фильм - аты аңызға айналған барлаушы, қазақтың батыр ұлы Қасым Қайсеновтың біртуар болмысы хақында. Диверсанттар тобын басқарып, майдан шебіне енген Қасымның барлық сарбаздары сатқындықтың кесірінен фашистердің қолынан опат болады.
Жападан жалғыз жау шебінде қалған Қасым өзіне берілген тапсырманы қайтпас қайсарлықпен орындап, жаудың қару-жарақ қоймасын жояды. Соғыс уақытындағы сатқындық, күдік, қорқынышқа қарамай жергілікті халық Қасымға көмекке келеді. Немістің ақсүйек барлаушысы қазақтың жаужүрек батырына төтеп бере алмайды.
Танымал ресейлік режиссер Леонид Белозорович пен сценарий авторы Андрей Курейчик фильм желісіне заманауи кинематография арсеналы - психологиялық қайшылықтар, жойқын шайқас пен лирикалық көріністер арқылы ерекше реңк берген.
Көркем фильмдегі негізгі кейіпкердің рөлін Қ.Қуанышбаев атындағы драма театр актері Қуандық Қыстықбаев сомдады. Сонымен қатар, туындыда Владимир Гостюхин, Михаил Евланов, Александр Лыков, Александр Петров, Мария Луговая сынды танымал актерлар да ойнайды.
