Rehabilitimi i linjës hekurudhore Tiranë-Durrës me degëzim në Rinas, është parashikuar të kushtojë 92.1 milionë euro. Deri më sot asnjë punim nuk ka nisur, edhe pse për këtë projekt është folur që në 2017-n. Premtimi i fundit u bë në 29 dhjetor 2020 nga ish-zëvendës ministri i Infrastrukturës dhe Energjisë Artan Shkreli. Ai deklaroi se punimet për hekurudhën do të nisnin në janar të 2021. Por nga verifikimi në terren, Faktoje konstatoi se nuk ka ndonjë shenjë për nisjen e tyre.
