AsekoseNews-Կառավարության նիստի ավարտին վարչապետ Նիկոլ Փաշինյանը հայտարարեց նաեւ, որ ԱԻ նախարարի հետ զրուցել է ու պարզել, որ առեւտրային մոլերի շրջանում լուրեր են տարածվել, թե իբր սեփականատերերը կրպակատերերին Կառավարության անունից պարտադրում են կրակմարիչներ ձեռք բերել.
«Ես չեմ հասկանում այս լուրերի ծագումնաբանությունը։ Հակահրդեհային համակարգերի անվտանգությունը, իհարկե, պետք է բարձրացվի, սակայն անհատ ձեռներեցների վրա, որոնք վարձակալում են կամ ունեն կրպակներ, որեւէ պարտավորություն չենք դնում` տուգանելու, պատժելու կարիք չունենք, իրենք էլ պետք է շահագրգիռ լինեն, որ անվտանգությունը պահպանվի։ Նորից եմ ասում` եթե կառավարության անունից ասվի, թե պարտադիր պետք է ձեռք բերել նման կրակմարիչներ, ապա զանգեք թեժ գիծ ու ԱԱԾ-ն կզբաղվի»:
